web counter
LEXO PA REKLAMA!

SHKARKO APP

App Store
Google Play

Nexhmije Hoxha: CIA na përgjonte nëpërmjet personelit

9 Shkurt 2016, 07:06, Aktualitet CNA

Bashkëshortja e ish diktatorit komunist, Enver Hoxha, Nexhmije Hoxha, ka deklaruar se edhe në periudhën e komunizmit, shtëpia e saj përgjohej nga shërbimi sekret amerikan. Në një intervistë për gazetaren Rudina Xhunga, Hoxha është shprehur se CIA përgjonte përmes personelit të Ministrisë së Brendshme dhe Sigurimit të Shtetit.

Letrat që CIA ka nxjerrë tani, ku tregon se si gruaja e Enver Hoxhës, është sëmurë dhe çfarë ndodh. Të vërteta janë ato?

Ka diçka të vërtetë edhe aty. E para tregon se përgjimet bëheshin edhe atëherë. Shtëpia jonë ishte e përgjuar, jo me aparate, por dikush nga personeli, sidomos i Ministrisë së Brendshme dhe Sigurimit që na shoqëronte, që hynte e dilte, që kishte lidhje, duhet ta ketë pasur këtë informacion, por që ishte me dy ?role?, kur i thonë. Për shembull, rasti që nxjerr agjenti, që Enveri nuk do dinte çfarë të bënte në qoftë se do vdiste Nexhmija, është diçka që agjenti e ka marrë vesh e do të ketë qenë ndonjë nga shoqëruesit që unë shkova në Vjenë, në Paris sepse edhe pas operacionit që bëra në Moskë, tëmthi im ose mëlçia nuk mori funksionet që duhej dhe kisha disa shqetësime që zgjatën 15 vjet. Prandaj në ditar mund të kesh lexuar që unë kam vuajtur shumë, por nuk kam qenë e sëmurë aq sa të rrija në shtrat. Lidhjet ishin kaq të forta, që në raste sëmundjesh bëheshin akoma më të ndezura sepse Enveri thoshte:- ?Se mos sëmuresh, se unë vdes pa ty?. Kështu që unë evitoja të më shikonte Enveri kur sëmuresha dh kur kisha kriza të forta ai nuk e dinte këtë, pasi ikja nga shtrati natën dhe vuaja për dy orë nga shqetësimet, ata që e kanë këtë sëmundje e dinë.





Lajmet e fundit nga