E fundit!

21:03 Politikë

FOTO-“Edi Rama, f*ck you!”/ Protestuesit me pankarta para Kryeministrisë

Edhe në ditën e 26-të protestës kundër qeverisë, nuk mungu...

Intervista/ Knut Fleckenstein: Një ditë Shqipëria do të jetë anëtare e Bashkimit Europian

9 Shkurt 2016, 19:47, Aktualitet CNA

Knut Fleckenstein, Eurodeputeti dhe raportuesi për Shqipërinë, tregon në këtë intervistë dhënë gazetares Mimoza Haxhia , opinionin e tij lidhur me ligjin e dekriminalizimit si dhe takimet që ai pati gjatë vizites së tij të fundit në Tiranë , me Kryeministrin Rama, Kryeparlamentarin Meta dhe Kreun e PD, Basha.

Më poshtë vijon intervista e plotë

M.H : Ju së bashku me Eurodeputetin Eduart Kukan keni zhvilluar një ditë më parë takime me zyrtarë të lartë të vendit dhe kjo vizitë e juaja vjen pas miratimit të ligjit të ashtuquajtur të dekriminalizmit. Si e shikoni zbatimin e tij?

K.F : Progresi i arritur deri tani është i dukshëm. Mendoj se miratimi i ligjit të dekriminalizimit, të ashtëquajturit ligjit të dekriminalizimit është hapi i parë, por tani fillon puna për zbatimin e tij, dhe besoj se do të duhet kohë për këtë gjë, por unë shoh vullnetin e të gjithëve për ta zbatuar atë.

M.H: A mendoni se ligji i dekriminalizimit që u miratua nga parlamenti është një hap i rëndësishëm dhe i mjaftueshëm?

K.F: Shpresoj që po, dhe jam i sigurtë që nëse partitë politike e duan me të vërtetë një gjë të tillë, kjo gjë do të ndodhë. Në anën tjetër,është detyra e medias gjithashtu të publikojë njerëzit që kanë dosje kriminale apo ata që nuk kanë dosje të tilla. Mendoj se në fund, votuesit do të vendosin ke duan të votojnë, por ky ligj i dekriminalizimit është shumë i rëndësishëm dhe një hap i parë shumë i mirë.

M.H: Ju zhvilluat një takim me Kryeministrin Rama, Kryeparlamentarin Meta dhe Kreun e PD, Basha . A gjetët mirëkuptim tek partite politike për reformën në drejtësi?

K.F:Une gjeta mirëkuptim që të gjitha partitë politike duan të miratojne dhe zbatojnë reformën gjyqësore. Se pari, kjo është nje shënjë e mirë. Se dyti, duhet të presim ëer rekomandimet e Komisionit të Venecias, dhe kjo duhet të jetë baza për të gjitha diskutimet që do të zhvillohen më pas dhe sigurisht për miratimin e saj nga Parlamenti. Ne me të vertete shpresojmë se kjo mund të ndodhë në pranvere, sepse ju nuk mund ta luftoni korrupsionin apo te punoni fort kundër krimit të organizuar nese nuk keni gjyqtarë të pavarur apo prokurorë të pavarur. Prandaj, kjo reformë në gjyqësore është me e nevojshmja e te gjitha reformave që ju po kërkoni.

M.H: Ju si ndjekës i zhvillimeve në vend , sa kohe mendoni se do të doje zbatimi i kësaj reforme?

K.F:Nuk e di. Me te vërtetë nuk e di. Por shpresoj sa me shpejt te jete e mundur sepse do të ishte mirë për vendin dhe popullin. Por e di qe duhet ca kohe që ajo të zbatohet në mënyre serioze sepse ndryshe eshte qe te shkruash nje ligj te mire ne leter, dhe ndryshe është ta zbatosh ate. Dhe kjo do te marre pak kohe. Nuk e di sesa por shpresoj që të gjithë të angazhohen për këtë dhe të shënohet progres në këtë drejtim sa me shpejt të jetë e mundur.

M.H : Nese maxhoranca dhe opozta gjejnë një gjuhë të përbashkët për miratimin e reformës në drejtesi, a eshte ky nje sinjal i qartë për Brukselin që Shqipëria është e përgatitur për hapjen e negociatave?

K.F:Sigurisht. Nese gjendet një gjuhë e përbashket për miratimin e kësaj reforme, ky do të ishte një sinjal i qartë për Brukselin që ky vend është i përgatitur për hapin tjetër dhe në të Bashkimit Europian, do të hapim negociatat sa më shpejt të jetë e mundur. Mendoj se kjo mund të arrihet nga të dyja palet nëse kanë vullnetin e duhur, si ma shpjeguan dje. Mendoj se ata duhet te gjejnë një gjuhë të përbashkët, dhe ne kemi nevoje për një konsensus. Prandaj, shpresoj që kjo të ndodhe por baza do jetë rekomandimi i Komisionit të Venecias dhe duhet të presim ç?do të thotë ky Komision, si dhe rekomandimin e tij final.

M.H : Cili është apeli që i bëni politikës shqiptare?

K.F:Apeli im për liderët e politikës në këte vend është të qëndroni të bashkuar, megjithese është e vështirë. Sepse zgjedhje ka në çdo vend të botës, ku dalin mazhorancat që duhet të qeverisin vendin dhe të tjerët duhet të mendojnë per alternativa më të mira. Por ka disa pika aq thelbësore ku ne duhet të paktën të përpiqemi për të patur një konsensus të gjërë, jo vetëm nga klasa politike por edhe nga populli. Dhe kam mësuar se më shumë se 90% e njerëzve në Shqipëri e duan me të vërtetë këtë reformë gjyqesore, duan të ndryshojnë sistemin e korrupsionit. Dhe besoj ky është rasti ku të gjithë liderët politike janë të detyruar të gjejnë një kompromis. Keshtu që unë shpresoj që krerët e politikës ta bëjnë një gjë të tillë dhe unë ndiej që ata janë të përgatitur për një gjë të tillë.

M.H : Ju u shprehet më parë se Shqipëria ka bërë progres kohët e fundit dhe ai është i dukshëm. Vendi ynë ka pesë prioritete kyçe, për hapat drejt integrimit europian. Cilat jane sfidat për të arritur objektivat?

K.F:Mendoj se Shqiperia ka bërë shume progres kohët e fundit në reformen administrative, në rolin që ajo po luan në rajonin e Ballkanit Perëndimor. Ligji per dekriminalizimin është një tjetër arritje dhe unë inkurajoj Parlamentin dhe qeverinë të vazhdojnë në këtë rrugë sepse kjo na sjell gjithnjë e më afër njeri-tjetrit, dhe nje ditë Shqipëria do të jetë anëtare e Bashkimit Europian. Mezi po e pres nje gje te tille./ATSH