web counter
LEXO PA REKLAMA!

SHKARKO APP

App Store
Google Play

E fundit!

x

Koalicioni i "ngrirë"/ Çfarë po ndodh me aleatët e PS-së

9 Shkurt 2016, 19:19, Aktualitet CNA

Koalicioni me LSI-në, por edhe me forca të tjera si PDIU, duket se kanë bërë që Partia Socialiste të harrojë aleatët e saj tradicionalë. Partia Demokracia Sociale, edhe pse ka qenë pjesë e koalicionit të gjerë fitues të 2013-s, por edhe atij të 2015-s, ende nuk është përfshirë në qeverisje, ose më qartë. Në një intervistë për “Top Channel” zoti Milo thotë se marrëdhëniet me PS-në janë të ngrira. 

?Presim të shkrihen, nëse do të shkrihen. Bashkë me Kongresin e Partisë Socialiste po vjen edhe pranvera. Nëse ky Kongres do të vendosë që t?i shkrijë këto marrëdhënie dhe t?i fusë në rrjedhën e tyre normale të dikurshme, atëherë edhe ne do të jemi gati?, tha Paskal Milo.

Sipas zotit Milo, nëse PS-ja do të ruajë këtë pozicion, kjo nuk ka sesi të mos ndikojë në të ardhmen e Demokracisë Sociale dhe qëndrimet e saj.

?Nëse llogaritë i kanë bërë që nuk do të kenë nevojë për ne, përmes ndryshimeve të Kodit Zgjedhor, atëherë edhe ne do të shikojmë edhe do të veprojmë në lidhje me atë se çfarë do të bëjmë në të ardhmen. Nuk duam as që t?u imponohemi dhe as t?u lutemi, askujt dhe për asgjë?, vijoi më tej kreu i PDS-së, Milo.

Një vit e gjysmë nga zgjedhjet e përgjithshme, mbetet për t?u parë se cili do të jetë qëndrimi i PS-së me aleatët e saj. Pak ditë më parë, Partia Bashkimi për të Drejtat e Njeriut duket se shkoi drejt aleancës me PD-në, e tashmë edhe PDS shpreh hapur pakënaqësitë e saj.

Por nëse PBDNJ-ja po shkon drejt bashkimit me opozitën, Demokracia Sociale ende pret në koalicion. Pret, siç thotë zoti Milo, që marrëdhëniet të shkrijnë.





Lajmet e fundit nga