E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

MAJKO, ISH KYEMINISTËR APO BALERINË/ Nga Dritan Hila

7 Shkurt 2016, 12:51, Opinione CNA

Sa herë PS-ja ndodhet në fushata, qofshin këto elektorale kombëtare, apo zgjedhore partiake, nuk mungon pjesëmarrja e Pandeli Majkos. Është vullnetare, apo e kërkuar nga kryetari i saj Rama, kjo ka pak rëndësi. Por ky fenomen ndodh sa herë Rama ka vështirësi kredibiliteti ndaj bazës së PS për përkatësinë e tij ideologjike. E tillë është edhe kjo e ditëve të fundit, ku sulmet e Blushit, pavarësisht shpërfilljes sipërfaqësore të Ramës, i kanë hapur zgavra të mëdha godinës së tij.
Duke ju kthyer rastit Majko, kemi të bëjmë më një pension të parakohshëm të vetëpranuar nga ish kryeministri i vendit, pavarësisht se mosha e tij është më e re se e kryetarit të partisë. Rasti Majko është tipiku i një brezi i cili dikur ishte garda e re e PS, të cilët nuk qenë në gjendje të merrnin frenat e partisë. Pas brezit të përfaqësuar nga Fatos Nano, më e natyrshme do të ishte që freshistët e dikurshëm, të merrnin stafetën. U treguan të papjekur politikisht. Dhe në fund, një pjesë ndoqën Ilir Metën në ikjen e tij, një pjesë menduan të kooptonin ose përdornin Edi Ramën, si kopertinë. Si përfundim, ose ju është harruar emri, ose ç?arkivohen nga Rama sa herë ky ka nevojë, për t?i rikthyer në sirtarë, kur mbaron punë.
Rasti i zotit Majko është me tipiku. Vetëm shtatë muaj më parë baza e PS e kërkonte të kandidonte në postin e kryetarit të bashkisë së Tiranës. Sondazhet e jepnin fitues. Por Rama preferonte Velinë, dhe për këtë bëri aleanca të çuditshme, pa të cilat Veliaj nuk do mundej të drejtonte sot Tiranën. Majko jo vetëm që gëlltiti shpërfilljen, por edhe doli në fushatë në krah të Veliaj. Pas shtatë muajsh, del prapë në fushatën e pranimeve në PS. Dhe është evidente se shfrytëzohet imazhi Majkos dhe jo për ndonjë funksion që ky ka në PS-së, përveç atij të deputetit.
Duke vazhduar më tej, ish këshilli të urtëve, të formatuar nga Rama në ditët e vështira të pashumbjes së bashkisë, ku militonin figura historike të PS-së, nuk egziston më. Dhe kjo mund të interpretohej normalisht si një ndërrim brezash, nëse nuk do të kishim një zhvendosje totale të boshtit referencial të PS e cila me aksionet e sotme, e vetmja gjë që e lidh me doktrinën e së majtës është fjala ?socialist?. E megjithatë, askush prej tyre nuk prononcohet, përkundrazi, shoqërojnë Edi Ramën në fushatën e tij të rekrutimeve. E cila fushatë, në synimin afatgjatë, nuk ka aspak ndërmënd të anëtarësojë ndjekës të Majkos, por synon krijimin e një trupe partiake që gjithë karrierën e saj, nga pranimi e deri në promovim, t?ia dedikojë Edi Ramës. Pas kësaj nuk do të ketë nevojë më as për butaforinë e veteranëve të PS.
E çuditshmja e gjithë kësaj historie është sesi figura të cilat pas qënies kryeministër që në moshën 30 vjeçare, pranojnë të dalin në pension, 40 vjeç, moshë që Kodi i Punës e pranon vetëm për balerinat.