Nga Dritan Hila/ Edhe LSI ka përgjegjësi për ekonominë

6 Shkurt 2016, 19:30, Opinione CNA

Tashmë Vila 30, apo ajo që njihet si Vila e Mehmet Shehut, e ka humbur dramacitetin makbethian të saj. Koha por edhe ?çunat? pesëdhjetëvjeçarë të stilizuar që tashmë drejtojnë shtetin, e kanë bërë më të pranueshme. Dje u mblodhën të flasnin për ekonominë dhe paketën e FMN. Të pakten kështu deklaroi pasi dolën, Arben Ahmetaj. Nëse do të ishim aq naivë, atëhere do të na lindëte pyetja ?se si ka mundësi që në një mbledhje për ekonomine, mungonte Shkëlqim Cani dhe Erjon Braçe?? Pak e çuditëshme! Sepse ata që ishin aty, vetëm nga ekonomia nuk marrin vesh, perjashto Metën dhe Idrizin që kanë studiuat ekonomi, por nuk e kanë praktikuar.
Pak por e sigurte është se biseda e bërë ishte për reformën në drejtësi dhe një rigatim i tortës qeveritare.
Por meqënese gjuha shkon ku dhemb dhëmbi, partive pjesëmarrëse në takim, veçanërisht LSI-së, i duhet kujtuar se nuk eshte pa pergjegjësi në këtë rënie të lirë qe po shkon vendi. Nëse kur ishte me PD në koalicion, markimi i Berishës dhe koalicioni i panatyrshëm e bënin që të shihej si numër për të mbajtur shumicën në pushtet, por jo vendimtare dhe përgjegjëse në ecurinë ekonomike të vendit, këtë rradhë ndryshon puna: LSI ka pesë dikastere të rëndësishme, është e shtrirë në mënyrë kapilare në gjithë hallkat e pushtetit të gjitha niveleve dhe ka mundësi të kondicionojë Edi Ramën në politikat e tij. Nuk mjafton që ti vetë mos të japësh koncesione. Apo mendon se politika e saj e deritanishme do ti japë mundësi të rritet akoma dhe mos të marrë kosto nga qeverisja e Ramës? Ndoshta. Por një rast nga Britania na bën të na lindin ca pikëpyetje. Nik Kleg, lider i liberalëve, një parti historike e cila po rritej vrullshëm, hyri në koalicion me Kameronin në fitoren e tij të parë. Në zgjedhjet e dyta, u shua nga skena. Dhe të mendosh se Kameroni jo vetëm që nuk u penalizua, por fitoi, çka një llogjikë normale të thoshte se edhe liberalët duhet të ishin rritur.
Nejse. Këtu nuk i dihet asnjëherë si venë punët. Deri atëhere le të kënaqemi me sa na thotë Ben Ahmetaj në 12 të natës./dritare.net