E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Aktivistët nga Shqipëria akuzojnë policinë e kosovës për dhunë

16 Janar 2016, 19:15, Aktualitet CNA

Qytetarët shqiptarë të cilët tentuan t?iu bashkoheshin tubimit të opozitës në Prishtinë me 9 janar i kanë shkruar një letër proteste amabasadës së kosovës në Tiranë dhe kanë bërë një ankesë zyrtare në policinë shqiptare duke thënë se ata ishin sulmuar dhe kthyer mbrapsht në pikën kufitare të Vermicës.

Ata i kanë shkruar gjithashtu ministrisë së jashtme shqiptare, si dhe zyrës së avokatit të popullit në Tiranë dhe Prishtinë.

Njëra prej tyre, Evi Veliu, mbështetëse e Lëvizjes Vetvendosje, i tha BIRN që policia i ndaloi ata dhe e ktheu autobusin e tyre mbrapsht drejt Shqipërisë, pa bërë kontrollet rutinë dhe pa pyetur për arsyen e udhëtimit të tyre drejt Kosovës.

?Pasi autobusi ynë u kthye mbrapsht pa asnjë shpjegim, ne u munduam të kalonim kufirin në këmbë, por kjo nuk ishte e mundur,? tha Veliu.

Veliu shpjegoi se përpara se të arrinin postën kufitarë të Kosovës, policia kishte formuar një kordon për t?i ndaluar.

?Ato na shtyn, na gjuajtën me grusht dhe na shkelmuan për të na mbajtur larg territorit të Kosovës,? ajo tha.

Në një njoftim për shtyp në 10 janar policia e kosovës tha se kishte ndaluar 42 aktivistë nga Shqipëria që të kalonin kufirin për shkak të procedurave ligjore, ndërkohë që mohoi të ishte përgjegjëse për dhunën.

Veliu tha që as Kushtetuta e Shqipërisë dhe as ligji në Kosovë nuk e ndalojnë të drejtën e qytetarëve për t?iu bashkuar një proteste paqësore.

?Ne nuk duam të përballemi me këtë situatë përsëri, sepse nuk e meritojmë. Për këtë arsye do të përdorim çdo mjet ligjor,? tha ajo.

Vetvendosja është një nga tre partitë e opozitës kosovare të përfshira në protesta prej disa muajsh kundër marrëveshjeve të sponsorizuara nga BE me Serbinë dhe Malin e Zi.

Shumë qytetarë shqiptarë e kanë mbështetur Vetvendosjen gjatë protestave dhe madje janë tubuar në Tiranë pas arrestimit të liderit të saj, Albin Kurti.

Protesta e 9 janarit, e cila cilësohoj si paqësore, u kthye në kaos kur disa aktivistë të rinj u përplasën me policinë dhe hodhën gurë dhe bomba molotov që i vunë pjesërisht zjarrin ndërtesës së qeverisë së kosovës./BIRN

Fatjona Mejdini është gazetare e Balkan Insight për lajmet nga Shqipëria.