E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

PD nuk çon në kushtetuese ligjin për arsimin e lartë/ Kush e ka marrë peng opozitën ?

16 Janar 2016, 14:35, Aktualitet CNA

Partia Demokratike dhe kreu i saj Lulzim Basha, kanë filluar të tregohen të ashpër ndaj ligjit për arsimin e lartë. Për një kohë të gjatë, opozita heshti. Ishin të pakta zërat nga radhët e saj, të cilët e kundërshtuan reformën në arsim. Në ditët e fundit ne prag te miratimit ne parlament, partia më e madhe në opozitë, ju rikthye kundërshtimeve për këtë ligj. Por kur ligji kaloi për votim në parlament, deputetët e opozitës vendosën të braktisnin sallën duke i dhene nje ndihme kalimit te tij.

Citynews komunikoi në nëntor të vitit të kaluar me disa nga ekspertët dhe anëtarët e komisionit të arsimit në PD. Ata na informuan se në javën e parë të dhjetorit, opozita do t?i drejtohej gjykatës Kushtetuese për të kërkuar pavlefshmërinë e ligjit për arsimin e lartë. Por, tani jemi në mes të janarit të vitit 2016 dhe nga ana e opozitës nuk ka asnjë veprim.

Kreu i PD, Lulzim Basha, u shpreh gjatë protestave të opozitës se do ta shfuqizojë ligjin për arsimin e lartë menjëherë pas ardhjes te PD në pushtet, duke shuar shpresat për dërgimin e ligjit në Kushtetuese.

Kush po e vonon? A po e pengojnë Lulzim Bashën oligarkët dhe pronarët e universiteteve private të çojë ligjin për arsimin e lartë në gjykatë Kushtetuese? Opozita është vetë e përfshirë ne miratimin e ketij ligji dhe mos cuarjen ne Kushtetuese, disa personazhe te saj jane te sponsorizuar nga universitetet private per te kapur drejtimin e PD. Keta jane ne fakt bllokuesit dhe ata qe mbajne peng edhe Lulzim Bashen ne rastin konkret.

Nuk ka asnjë arsye tjetër pse opozita duhej të hiqte dorë nga dërgimi i ligjit për arsimin e lartë në Kushtetuese kur flet per anulim te tij. Më e pakta që mund të bënte do të ishte kërkesa qe mund te sillte minimalisht pezullim deri ne shqyrtim te ligjit.

Drejtuesit e universiteteve private, të cilët përfitojnë nga reforma në arsim janë pranë Ramës, por edhe Bashës, ligji për arsimin e lartë eshte sposorizuar dhe mbeshtetur prej tyre. Ata jane biznesmene, ndertues, oligarke nga te cilet fatkeqsisht ka frike opozita se qeveria i ka mbyllur ndyshe hesapet/citynews