E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gënjeshtrat e Ramës dhe studentët e ekselencës/ Nga Myqerem Tafaj

16 Janar 2016, 12:22, Aktualitet CNA

Lexoj në shtypin e sotëm që dje disa studentë të ekselencës qenkan antarësuar në PS!

Cudi e madhe kjo! Ku i gjeti këta studentë të ekselencës Rama?! Paska ekselenca në universitetet shqiptare që i mësojnë këta pedagogët tanë, se Rama nuk ka lënë rast pa anatemuar universitetet dhe pedagogët tanë? Paska Shqipëria studentë të ekselencës, se Rama ka deklaruar, në shumë shoë publike të mediareformave, se Shqipëria nuk ka ekselenca, se të rinjtë tanë luajnë vetëm bixhoz, etj, etj.

Dhe një tjetër dekleratë e Ramës në ceremoninë e djeshme: Maturantët që përfundojnë “shkëlqyer” Maturën e keqe shtetërore shqiptare, shkëlqejnë si në universitetet shqiptare ashtu edhe në universitetet e huaja. Po kur nuk qenka kaq e keqe kjo Matura, pse Z Kryeministër e hoqe brutalisht atë dhe maturantët e këtij viti shkollor, edhe tani vetë 4 muaj para provimeve, nuk dinë se si do të jetë kjo Matura 2016?!

Gott sei Dank! Shyqyr Zotit! Më në fund edhe Kryeministri Rama e pranoi që Shqipëria ka maturantë dhe studentë të shkëlqyer. U deshën 3 vite, por më mirë vonë, se kurrë.

Në parim inkurajoj cdo student të shkëlqyer të aktivizohet në politikë, sepse politika shqiptare ka nevojë për ekselenca të cdo fushe, aq më tepër nga fusha akademike. Duam apo nuk duam ta pranojmë, universitetet janë qendrat kryesore të gjenerimit jo vetëm të ekselencës, por edhe të vetë demokracisë. Dhe për Shqipërinë kjo është dy herë e vërtetë, sepse demokracia shqiptare dhe pluralizmi lindën nga Lëvizja e Dhjetorit ’90. Ndryshe, psh., nga Polonia ku Sindikatat ishin në krye të revolucionit për rrëzimin e komunizmit të moderuar polak, në vendin tonë ishin studentët dhe pedagogët në krye të Lëvizjes së Dhjetorit ’90 që përmbysi diktaturën më të egër komuniste të Hoxhës.
Por tani mbetet të shohim se cfare do te bëj Rama me studentët ekselentë të porsaantarësuar në PS. Sepse, deri tani, Rama ka pastruar PS nga akademikët, intelektualët, figurat e pastra politike dhe i ka zëvendësuar ata me të fortët me të kaluar të errët, që i solli në Parlament dhe nivelet drejtuese të administratës publike, apo me mediokrët që janë zgjatime apo zëdhënës të oligarkisë shqiptare të të gjitha llojeve.