web counter
LEXO PA REKLAMA!

SHKARKO APP

App Store
Google Play

Incidenti në TK/ PD dënon dhunën e Hervin Çulit, apel ministres së Kulturës

16 Janar 2016, 13:49, Aktualitet CNA

Partia Demokratike ka reaguar ashpër ndaj dhunës së shfaqur nga drejtori i Teatrit Kombëtar, Hervin Çuli në drejtim të gazetarit Eni Shehu. Në një deklaratë për shtyp, kreu i departamentit të kulturës në PD, Arben Skënderi, tha se kjo është mënyra se si drejtorët shfrytëzojnë institucionet publike për të realizuar karrierat e tyre. Skënderi i bëri apel ministres së Kulturës, Mirala Kumbaro të marrë në dorë situatën.

Deklarata për shtyp
Është e pa tolerueshme dhe tejet e ulët ajo çka ndodhi mbrëmjen e djeshme në Teatrin Kombëtar. 

Dhuna e ushtruar ndaj gazetarit Eni Shehu, është tregues i qartë se ku janë katandisur institucionet tona.

Drejtorë që sillen si bajraktare, shfrytëzojnë institucionet shtetërore në konflikt të hapur interesi për të realizuar karrierat e tyre. Të veshur me petkun e të plotfuqishmit dhe me bekimin e eprorëve të tyre shijne e luajnë me fatet e artistëve, i përçajnë e i trajtojnë ca te nënës e ça të njerkës…

Ndaj, akti i ulët i mbrëmjes së djeshme, nuk është i izoluar, por është kthyer në arrogancë institucionale, me presione psikologjike e me depersonalizim të çdo individi që devijon nga linja e Partise.

Kjo është e rëndë, dhe i bëj thirrje Ministres Kumbaro, të marri në dorë situatën e të kryej detyrën.





Lajmet e fundit nga