E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Sms-ja 200 mijë euro e Ilir Metës/ Kur do flasë opozita?

16 Janar 2016, 16:22, Aktualitet CNA

Elvi Fundo/ citynews

Partia Demokratike dhe opozita e kanë kaluar në heshtje skandalin e publikuar nga Gazetari Artan Hoxha, disa ditë më parë në emisioni ?Opinion? të Blendi Fevziut në TV Klan.

Shumica e mediave heshtën. Ato të Ilir Metës sulmuan vërtetësinë e dukumentave të publikuara, ndërsa opozita e cila e kishte dikur kauz CEZ-in dhe aferat e Ilir Metës, sic i ka quajtur ajo, heshti në mënyrë të turpshme. Të vetmin koment e ka bërë ish-kryeministri Sali Berisha, i cili deklaroi se kjo ishte lufta e dy vëllezërve që duan ti hanë kokën njëri-tjetrit.

Në fakt, heshtja e opozitës dhe nxehja e debatit për reformën në drejtësi bënë të kalohej në heshtje skandali i përgjimit të Ilir Metës, i cili i kërkonte 200 mijë me patjetër, biznesmenit Kastriot Ismailaj, për të cilin Meta ka thënë se thjesht e njihte dhe nuk kishte miqësi. A mund ti kërkohen 200 mijë një të njohuri të thjeshtë? Kjo mund të ndodhë, vetëm në rastin kur ai është sekser i bizneseve të tua apo përfitues i pushtetit tënd politik.

Partia Demokratike heshti dhe nuk e trajtoi as politikisht çështjen, jo për të sulmuar Ilir Metën dhe për ti thënë opinionit publik se ai është i korruptuar, por për të treguar se skandali CEZ-DIA, ku ishin përfshirë edhe 7 kompani smste të tjera, nuk ishte thjesht një lojë politike. Opozita mund të tregonte se kishte një kauzë dhe se ajo ishte ndarë nga e shkuara e saj bashkëpunuese dhe korruptive me Ilir Metën. Kishte një armë të dytë për ta rikonfirmuar këtë fakt, por PD zgjodhi të heshtë.

Heshtje taktike për ti shkelur syrin Ilir Metës kur atë e sulmon Edi Rama, për ti dhënë atij shenjën se mund ta mbrojë kur i intereson, duke ritreguar se miqësia e vjetër nuk është harruar.

Kjo miqësi e paharruar që ka nxitur këtë heshtje të opozitës, në fakt i tregoi opinionit se PD vazhdon ende të ketë komplekse dhe të nxitohet thjesht dhe vetëm për t?iu afruar sa më shpejt pushtetit. Në fakt, ky është qëllimi i çdo force politike, por ky qëllim në rastin konkret duhet të kishte forcën e moralit, forcën e të vërtetës, forcën ndarjes përfundimtare me një të shkuar të kalbëzuar tashmë, forcë e cila do ta ngrinte më shpejtë PD dhe do t?ia bënte më të sigurt fitoren në zgjedhje dhe do ta afronte atë më shpejt me pushtetin. Por kur heshtet përballë të tillë skenarëve apo kur heshtet përballë të tilla fakteve dhe ndërtohen skenarët politikë me të shkuarën gjithçka bëhet edhe më bajate, gjithçka bëhet edhe më e pavërtetë dhe forca e fitores vihet në pikëpyetje.

Në tregun politik, PD me heshtjen e saj mund të ketë fituar aleatë, në opinioni publik, me heshtjen e saj ka humbur vota.