web counter
LEXO PA REKLAMA!

SHKARKO APP

App Store
Google Play

Artan Hoxha: Krimi në Shqipëri, më në avantazh sesa policia

20 Nëntor 2015, 20:24, Aktualitet CNA

Gazetari investigativ, Artan Hoxha deklaroi se krimi në vendin tonë është më në avantazh se sa policia. I ftuar në rubrikën ?Opinion?, në News24 gazetari Hoxha tha se në kryeqytet ka organizata më të mëdha se ajo që u shkatërrua para dy ditësh, që dominojnë në tregun e narkotrafikut.

?Sipërfaqet që kanë qenë të kultivuara gjatë këtij viti. Faktet dhe shenjat e para dëshmojnë se sasitë janë të konsiderueshme. Për këto ditë nga policia italiane janë kapur mbi 3 ton. Është krimi më i avantazhuar. Një kg drogë ka shkuar në 2 mijë euro në Shqipëri. Vendet kriminale këto para i përdorin për të joshur, punonjës të policisë, punonjës të doganave. Parashikoj një vështirësi këtë vit, se ngjarjet që kanë ndodhur në Paris kanë rritur masat për trafikantët.?, tha Hoxha.

Hoxha shtoi se lënda narkotike që po kapet është produkt i vitit të kaluar.  ?Lidhur me operacionin e policisë së Tiranës, në këtë rast duhet përgëzuar. Pasi rritet besimi tek publiku në një kohë që kemi akuza nga qeveria dhe opozita. Pavarësisht shtrirjes e hetimit, kjo organizatë edhe pse me një numër të madh personash, është një sukses i policisë së Tiranës, por nuk është një nga organizatat më të mëdha që dominojnë tregun e narkotrafikëve.?, vijoi gazetari Hoxha.





Lajmet e fundit nga