web counter
LEXO PA REKLAMA!

SHKARKO APP

App Store
Google Play

Reagimi i Mjekësisë Ligjore për foshnjën e vdekur

20 Nëntor 2015, 14:23, Aktualitet CNA

Instituti i Mjekësisë Ligjore ka reaguar sot lidhur me pamjet e publikuara në rrjetet sociale, në të cilat pretendohet se një foshnje e vdekur është lënë për disa minuta në karriget e morgut të QSUT-së. Sipas deklaratës së IML-së, thuhet se në foton në fjalë nuk ndodhet fëmija i vdekur por disa materiale tekstili të lëna aty nga transporti i mëparshëm.

Njoftimi i plotë i Institutit të Mjekësisë Ligjore

?Ditën e djeshme, datë 19.11.2015 nga salla operative e policisë jemi njoftuar se në ambjentet  e një apartamenti në zonën e Astirit është gjetur e vdekur një bebe dhe ngjarja përbënte një rast mjeko-ligjor. Në orën 18:20 ka mbërritur foshnja pranë morgut qendror në Institutin e Mjekësisë Ligjore dhe në momentin që ambulanca ka mbërritur, të pranishëm ishin Eksperti Mjeko-Ligjor dhe Prozektori i turnit.

Rasti është pritur konform të gjitha rregullave të parashikuara dhe foshnjës i është kryer autopsia në prezencë të ekspertit kriminalist, oficerit të policisë gjyqësore dhe ekspertit mjeko-ligjor. Në lidhje me imazhet të cilat janë publikuar në media gjejmë rastin t?ju informojmë se nuk janë imazhe të bebes por thjesht një material tekstili, i cili ishte lënë aty nga një rast i mëparshëm i transportuar nga QSUT.

Shprehim keqardhjen për këtë keqkuptim dhe kërkojmë bashkëpunimin tuaj për paraqitjen me vërtetësi të kësaj ngjarje, e cila mund të verifikohet me prova dhe fakte?.





Lajmet e fundit nga