E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Deputetet e universiteteve private/Arben Ndoka Master në UET- Artan Gaçi në Kristal

1 Nëntor 2015, 19:27, Aktualitet CNA

Duke vëzhguar emrat e deputetëve dhe profilin e tyre në faqen zyrtare të Parlamentit, Citynews konstaton se shumë prej tyre kishin Master ose diploma ne Universitetin Europian të Tiranës të Çilit ose në Kristalin tashme te mbyllur.

Arben Ndoka, deputeti i cili u largua pak javë më parë pas publikimit të disa dosjeve kriminale dhe akuzave të forta nga opozita, rezulton të ketë qenë një nga studentët e Çilit.

Lista vijon më tej me një deputete sërish të Partisë socialiste, Erjeta Alhysa. Ajo është diplomuar në UET, niveli Master për të Drejtën Administrative në periudhën 2011-2013.

Musa Ulqini i PS është një tjetër deputet i cili është diplomuar në UET, niveli Master për “Shkenca Politike” në 2009-2010.

Ndërkohe Universiteti i mbyllur Kristal vazhdon të ketë ende gjurmët e tij. Artan Gaçi, deputeti socialist, bashkëshorti i Olta Xhaçkës, deputete e qarkut të Korçës dhe Kryetare e Forumit të Gruas Socialiste, figuron i diplomuar në Kristal. Në faqen zyrtare të Parlamentit, nuk jepen detaje se çfarë niveli studimesh ka ndjekur deputeti Gaçi në Kristal, por vetëm fakti që është diplomuar për Drejtësi.

Ylli Shehu, deputeti i cili kaloi nga PR tek LSI, rezulton të jetë diplomuar në Kristal për Drejtësi në periudhën 2006-2011.

Lista vijon me një tjetër deputet të LSI-së. Shkëlqim Selami është diplomuar në Universiten Kristal për dy nivele studimi, Bachelor dhe Master. Ai ka përfunduar studimet në Fakultetin e Drejtësisë për periudhën 2006-2009, ndërsa ka ndjekur studimet Master për ?Të drejtën Civile? në periudhën 2009-2011.

Një tjetër deputet i diplomuar në Universitetin Kristal, këtë herë nga e djathta, rezulton të jetë deputeti i qarkut të Dibrës, Bedri Hoxha. Ai është diplomuar në korrik të vitit 2009 për Drejtësi në Universitetin e mbyllur tashmë, Kristal.

I fundit por më iu ndershmi nga të gjithë duket Eduard Ndocaj, i cili nuk ka deklaruar asnjë shkollë të lartë por thjesht të mesmen dhe biznesin e tij./citynews