web counter
LEXO PA REKLAMA!

SHKARKO APP

App Store
Google Play

Veliaj: Tiranës i duhet agjencia e parqeve për më shumë hapësira të gjelbërta

1 Nëntor 2015, 12:16, Aktualitet CNA

Kryebashkiaku i Tiranës, Erion Veliaj ka qenë i pranishëm  në përurimin e parkut më të ri të lojërave në një hapësirë të gjelbërt të Liqenit të Tiranës.

Ai u lirua vetëm pak kohë më parë prej planeve për ndërtime të mëtejshme.

Beliaj ishte shoqëruar edhe nga Blendi Gonxhe.

Kryetari i Bashkisë njoftoi edhe ngritjen e Agjencisë së Parqeve, që siç tha ai do të merret me menaxhimin dhe mirëmbajtjen e të gjitha parqeve të Tiranës.

?Njerëzit pyesin shpesh se përse i marrin politikanët apo drejtuesit bashkiakë disa vendime. Ndaj dhe ne kemi përgjegjësinë t?u kthejmë një përgjigje. Tirana ishte i vetmi kryeqytet europian që nuk kishte agjenci të mirëfilltë, që të merrej me parqet dhe vendet çlodhëse në territorin e saj. Në çdo vend që e ka për zemër hapësirën e gjelbërt, ka gjithashtu edhe një agjenci parqesh. Më vjen mirë që Blendi (Gonxhe) ka bërë këtë organizim sot, ndërkohë që kjo agjenci do të ketë nën menaxhim të gjitha parqet e Tiranës për t?u mirëmbajtur në nivel bashkiak, duke ditur qe qeveria qendrore nuk mund të merret me menaxhimet e gjërave kaq të vogla. Do të vazhdojmë me investimet për hapjen e parqeve të lojërave për fëmijët. Liruam hapësirën në Liqenin e Tiranës, sepse meriton të kthehet në shfrytëzimin e fëmijëve dhe gjithë këtyre banorëve këtu. Deri në fund të vitit do të kemi edhe një masterplan për Kopështin Zoologjik, që besoj se do ta kemi deri në fund të mandatit. Ne mendojmë për gjeneratën e ardhshme dhe jo vetëm për veten tonë. Duam të shohim drejt Shqipërisë së 20-30 viteve të ardhshme?, tha Veliaj.





Lajmet e fundit nga