web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj: Lejet e ndërtimit kanë përkeqësuar klimën e të bërit biznes

28 Tetor 2015, 11:02, Aktualitet CNA

Ministri i Zhvillimit Ekonomik, Turizmit, Tregtisë dhe Sipërmarrjes Arben Ahmetaj deklaroi të mërkurën se ekonomia shqiptare ka hyrë në një rrugë të qëndrueshme reformash agresive që do të ndihmojnë konkurueshmërinë.

Në një deklaratë për shtyp pas publikimit të raportit të Bankës Botërore mbi klimën e të bërit biznes në Shqipëri, ministri Ahmetaj theksoi se kemi hartuar një paketë të mirë ligjore, rezultatet e së cilës do t?i shohim vitin e ardhshëm.

?Për t?i dhënë një përgjigje atyre që e kanë quajtur këtë vlerësim si ?goditje?, apo atyre që e duan Shqipërinë të fundit në rajon sa i takon konkurueshmërisë, dua t?u them se ekonomia shqiptare ka hyrë në një rrugë reformash agresive që shkojnë në thelb të ekonomisë tek produktiviteti dhe konkurueshmëria?, tha Ahmetaj.

?BB-ja publikoi raportin ?Doing Business?, ku Shqipëria renditet në vendin e 97 mes 189 vendeve. Për klimën e të bërit biznes, vitin e kaluar Shqipëria renditej në vendin e 62. Kjo renditje ndikohet nga 2 indikatorë: dhënia e lejeve të ndërtimit dhe marrja e certifikatës së pronësisë dhe pagesa e taksave.

?Kjo renditje pritej nga qeveria jonë, për shkak të zhvillimeve të lidhura me këta indikatorë. Me reformën territoriale, është marrë vendimi për pezullimin e përkohshëm të lejeve të ndërtimit. Kjo është bërë për disiplinimin e ndërtimeve dhe për planifikimin e zhvillimit urban?, u shpreh Ahmetaj. Sipas tij, ?Shqipëria nuk ka humbur vende në raport me vetveten.

Ai informoi se qeveria ka hartuar një paketë të mirë ligjore, rezultatet e së cilës do i shohim vitin e ardhshëm. Ministri Ahmetaj shtoi se Banka Botërore është një partner që ka mbështetur e vlerësuar axhendën e reformave të qeverisë për rimëkëmbjen e ekonomisë. ?Kjo është edhe arsyeja se pse Banka Botërore ka vendosur në dispozicion të ekonomisë e qeverisë shqiptare 1.2 miliardë dollarë?, deklaroi Ahmetaj.





Lajmet e fundit nga