web counter
LEXO PA REKLAMA!

SHKARKO APP

App Store
Google Play

E fundit!

x

Rinas/ Lejuan kalimin e paligjshëm të kufirit, arrestohen 4 punonjës të aeroportit

26 Tetor 2015, 08:39, Aktualitet CNA

Me kërkesë të Prokurorisë, gjykata ka vendosur masën e sigurisë ?arrest në burg? për 4 punonjës të Policisë Kufitare të Rinasit, të akuzuar për ?shpërdorim detyre?. Vendimi i gjykatës është ekzekutuar gjatë ditës së dielë nga ana e forcave të Shërbimit të Çështjeve të Brendshme dhe Ankesave në Ministrinë e Brendshme (SHÇBA).

Prokuroria e Tiranës ka nisur hetimin për këta shtetas në muajin prill 2015, në bazë të një informacioni operativ të SHÇBA. Sipas këtij informacioni, disa kontrollorë dhe përgjegjësi i tyre kanë lejuar kalimin tranzit në Shqipëri nëpërmjet pikës së kalimit kufitar të Rinasit, të pesë shtetasve turq, me kombësi kurde, të cilët më pas janë larguar në drejtim të vendeve të Bashkimit Europian për azil. Shtetasit turq ishin pajisur me ?ftesa formale? nga ana e disa qytetarëve shqiptarë për të vizituar Shqipërinë për turizëm. Por, në fakt, këto ?ftesa zyrtare? ishin të falsifikuara nga ana e disa kontrollorëve të policisë kufitare të Rinasit.

Në bazë të këtij informacioni, Prokuroria e Tiranës zhvilloi hetime disamujore, në bashkëpunim me SHÇBA-në, nga të cilat rezultuan një numër i konsiderueshëm rastesh, ku me ndërhyrjen ose dakordësinë e përgjegjësit Isa B., kontrollorët Evjon M., Migena Q. dhe Florida M. kanë lejuar kalimin e kufirit shtetëror të shtetasve të ndryshëm shqiptarë, të cilët nuk plotësonin kriteret e udhëtimit, kishin dokumente të fallsifikuara, dokumente të skaduara ose persona të akuzuar për vepra penale të ndryshme.

Në materialin hetimor ka rezultuar se këta shtetas, pasi komunikojnë me persona të ndryshëm, qytetarë me edhe pa njohje të mëparshme, bëjnë verifikime në sistemin TIMS për emra personash, gjeneralitetet e të cilëve ju jepen si porosi nga persona të tretë dhe, pasi zhvillojnë takime me ta, bien në kompromis për lejimin e kalimit të kufirit pa pasur pengesa nga punonjësit e Policisë Kufitare. Kështu arrihet shmangia e kontrollit kufitar, pavarësisht se këta persona mund të jenë me precendentë penalë, persona në kërkim, mund të mos justifikojnë qëllimin e vizitës së tyre, mund të mos kenë dokumentacionin e duhur për të udhëtuar jashtë shtetit (pasaportë të vlefshme si dokumenti bazë).

Nga hetimi i deritanishëm i Prokurorisë së Tiranës janë faktuar se Isa B., N/Komisar, përgjegjës Turni- 20 raste të lejimit të kalimit kufitar në kundërshtim me ligjin; Evjon M., kontrollor- 11 raste të lejimit të kalimit kufitar në kundërshtim me ligjin; Migena Q., kontrollore- 5 raste të lejimit të kalimit kufitar në kundërshtim me ligjin, si edhe Florida M., kontrollore- 6 raste të lejimit të kalimit kufitar në kundërshtim me ligjin.

Të gjithë shtetasit e mësipërm, në vazhdimësi kanë marrë porosi nga shtetas të ndryshëm me qëllim krijimin e lehtësirave për udhëtimin e shtetasve të ndryshëm brenda apo jashtë shtetit nga P.K.K Rinas, duke i udhëzuar shtetasit se si duhet të udhëtojnë për të kaluar kufirin me qëllim që ata të mos kenë probleme nga autoritetet policore të huaja, raste të cilat mbeten për t?u verifikuar gjatë hetimit të mëtejshëm./ ATSH





Lajmet e fundit nga