E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Vokshi: Rama kërkon amnistinë për krimet në shëndetësi

25 Tetor 2015, 14:30, Aktualitet CNA

Deputetja e PD-së, Albana Vokshi ka akuzuar kryeministrin, Edi Rama për reformën në shëndetësi.

Ajo shkrun në ?Facebook?:

?Kryeministri është angazhuar personalisht në amnistinë e korrupsionit të ministrave të tij, duke dëshmuar se të gjitha aferat e paligjshme kanë bekimin e tij.

Korrupsioni në Shëndetësi dhe infuencat e ministrit në tenderat publikë për të përfituar plot 11 milion dollarë dhe miliona të tjerë me historinë e nënkontraktimeve, nuk do të mund të mbyllet në asnjë paradhomë kryeministrore.

Propaganda e ?kongresmenëve ?, apo zedhenesve te urdheruar nga Rama te shkruajne apo te japin intervista lart e poshte…për të fshehur skandalet në shendetesi, nuk mund të mashtrojë më as ndjekësit e vetë socialistëve, të cilët në kohën e Berishës kishin standarte jetese, ndërsa tani presin dyerve të PS edhe për një shërbim mjekësor.

Krimet në Shëndetësi duhet të DENONCOHEN në GJYKATEN E HAGES.

– Peticionet e mjekëve të urgjencave spitalore për mungesën e medikamenteve janë një thirrje që tejkalon çdo kufi tolerance.

– Spitalet janë kthyer në pavione lufte , ku mjekë dhe infermierë luten të gjejnë një shiringë, ndërsa për mungesë të ilaceve dhunohen nga pacientë dhe familjarë, kur ju kërkojnë ti blejnë ilacet në farmacitë, që paguajnë harac te ministri?

– Ku kanë shkuar 35 miliardë lekë të akorduara nga qeveria për tenderat e medikamenteve spitalore?

– Institucionet shëndetësore drejtohen nga familjarë të qeveritarëve dhe korrupsioni ka shtrirë rrënjët si një sëmundje e pashërueshme.

– Rama premtoi mbulim universal shëndetësor për të gjithë popullatën, por ai e kishte fjalën për klientët dhe sponsorët e tij.

– Rreth 400 mln Euro u dhanë për shërbime koncensionare në shëndetësi, një histori e padëgjuar edhe në mjekësinë botërore, ku koncesionin e kontrolleve shëndetësore e fiton një biznesmene që shet duhan dhe alkol, dy faktorët me risk të lartë për shëndetin. Pra janë qindra milionë euro që nuk shkojnë për njerëzit në nevojë, por në llogaritë bankare të kryeministrit dhe ministrave të tij.

– Vjedhja miliarda leke me receta dhe fatura të falsifikuara dhe lobimi I frikshem për të futur në Shqipëri barnat e fallsifikuara – një tjetër histori që mban të mbërthyer vetë kryeministrin, që mandatoi në shëndetësi një person të dënuar për përfitim të fondeve publike.

?Kapiteni? Rama shume shpejt do te fundoset bashkë me piratët e tij !?, përfundon Vokshi.