web counter
LEXO PA REKLAMA!

SHKARKO APP

App Store
Google Play

Ajdin Sejdia nën hetim, pasi fitoi tenderin për parkun energjitik në Durrës

25 Tetor 2015, 19:40, Aktualitet CNA

Ajdin Sejdia iu rikthye biznesit në Shqipëri, por është kallëzuar sërish për mashtrim dhe pastrim të parave. Prokuroria nisi hetimin ndaj tij dhe 7 kompanive ku është aksioner apo ka kryer transaksione bankare. Dyshohet se me keto kompani dhe me disa projekte për investime në terren, ai mund të ketë mashtruar një kompani suedeze, nga e cila arriti të përfitojë një shumë të konsiderushme parash.

ABC NEWS raporton se Drejtoria e Përgjithshme e Parandalimit të Pastrimit të Parave pranë Ministrisë së Financave ka dhënë informacione për aktivitetet të paligjshme të biznesmenit Sejdia. Njësia e Task Forcës pranë Prokurorisë së Tiranës nisi verifikimet e kësaj çështjeje, pas sinjalizimeve të para.

Prokuroria iu drejtua të gjitha bankave të nivelit të dytë në vend për të verifikuar llogaritë bankare dhe transaksionet e kryera nga Sejdia dhe pjesëtarët e familjes së tij. Mësohet se është kërkuar nga hipoteka, verifikimi i pronave dhe pasurive të palujatshme që Ajdin Sejdia disponon apo i ka blerë kohët e fundit. Në QKR po verifikohen 7 kompani të ndryshme, me të cilat dyshohet se biznesmeni Sejdia është aksioner apo ka kryer transaksione bankare.

Ajdin Sejdia njihet si biznesmeni i parë kosovar që erdhi në Shqipëri, pas rënies së sistemit komunist. Gjatë qëndrimit në Shqipëri ai u arrestua për llogari të drejtësisë zviceriane, ku ishte dënuar për mashtrim financiar. Në vitin 2004 ai u kthye në Shqipëri, për t?u arrestuar sërish në prill të 2013 për llogari të drejtësisë arabe, që e kërkonte për mashtrime bankare. Edhe për këto akuza ai nuk u ekstradua në Arabi, por u la i lirë për të konkuruar në tendera publikë. Tashmë duket se ka fituar të drejtën e ndërtimit të një parku energjitik në zonën e Durrësit.





Lajmet e fundit nga