web counter
LEXO PA REKLAMA!

SHKARKO APP

App Store
Google Play

E fundit!

x

Basha në PPE: Shqipëria e kapur nga krimi i organizuar dhe oligarkët e lidhur me pushtetarët

22 Tetor 2015, 16:14, Aktualitet CNA

Kryetari i Partisë Demokratike Lulzim Basha ka vijuar deklaratat e tij në Samitin e Partisë Popullore Europiane lidhur me krimin e organizuar dhe oligarkët e lidhur me pushtetarët në Shqipëri.

Basha shton se kjo situatë, e cila reflekton edhe numrin e larte te azilkerkuasve e bën dhe më të domosdoshëm fokusimin e vëmendjes së Bashkimit Europian në Shqipëri, ku si rezultat i bashkëqeverisjes me krimin, dhunohen standardet demokratike e shteti ligjor dhe qytetarët goditën padrejtësisht.

Qëndrimi i plotë nga kryedemokrati Lulzim Basha:

Në Samitin e Partisë Popullore Europiane u diskutua sot edhe situata në Ballkan. Në fjalën time theksova se kapja e shtetit nga krimi i organizuar dhe oligarkët e lidhur me pushtetarët, përqendrimi i pushtetit dhe pasurive publike në pak duar kanë sjellë, pasiguri dhe krizë ekonomike në Shqipëri. Kjo situatë, e cila reflekton edhe numrin e larte te azilkerkuasve e bën dhe më të domosdoshëm fokusimin e vëmendjes së Bashkimit Europian në Shqipëri, ku si rezultat i bashkëqeverisjes me krimin, dhunohen standardet demokratike e shteti ligjor dhe qytetarët goditën padrejtësisht.

Gjatë pjesëmarrjes në Kongresin e PPE-ve, u takova dhe bisedova me presidentin e Këshillit Europian Donald Tusk, presidentin e Komisionit Europian Jan Claud Junker, me Komisioneri për Zgjerimin Johanes Hahn , kreun e Partive Popullore Evropiane në Parlamentin Evropian, Manfred Ëeber kryeministrin e Spanjës Mariano Rajoy, me kryeministrin e Norvegjise Erna Solberg me kryeministrin e Bullgarisë Boiko Borisov, zv/kryetarin e Parlamentit Europian Antonio Tajani, europarlamentarë David Mc Allister ,presidentin e PPE Joseph Daul me sekretarin e Përgjithshëm Antonio Lopez-Isturiz, etj.

Shpreha shqetësimet për situatën e jashtëzakonshme që po kalon vendi ku trafikantët e drogës dhe të qenieve njerëzore kanë vënë nën kontroll Parlamentin, qeverinë dhe një pjesë të pushtetit vendor, korrupsioni ka arritur nivele alarmante dhe se paratë e qytetarëve po grabiten çdo ditë nga pushtetarët përmes tenderëve korruptivë.

U kerkova miqve dhe partnerëve tanë të sjellin në Shqipëri përfaqësuesit e tyre të shohin nga afër si ditë për ditë mazhoranca sfidon themelet e demokracisë shtetin ligjor, liritë dhe të drejtat e njeriut.

Gjeta mbeshtetjen e miqve tanë per ti qendruar në krah Partisë Demokratike ne prpjekjet tonë për dekriminalizimin e parlamentit, qeverisë dhe administratës lokale si një parakusht për të luftuar krimin dhe korrupsionin per të rivendosur demokracinë dhe sundimin ligjit.





Lajmet e fundit nga