E fundit!

17:05 Kronika

Plagoset shtetasi në ambientet e Poliklinikës/ Në pranga babë e bir në Shkodër

Lokalizohet dhe vihet në pranga 18-vjeçari që plagosi me t...

Ilir Meta e ka hedhur pas kraheve ceshtjen Doshi: Nuk ia vlen as per telenovele

5 Gusht 2015, 13:35, Politikë CNA

Kreu i Kuvendit Ilir Meta, vlerëson sesionin e sapo mbyllur parlamentar, duke cilësuar si hap pozitiv kthimin e opozitës në parlament, në aktivitetet dhe diskutimet e tij pas bojkotit. Ai e cilëson kthimin në Kuvend si një shenjë të qartë të maturimit të ngadaltë por të qëndrueshëm të jetës dhe kulturës politike. Në një intervistë ?Albanian Daily News?, kryeparlamentari komenton edhe gjuhën e fyerjeve nga ana e deputetëve, për të cilën thotë se Kuvendi nuk është arenë gladiatorësh, por e diskutimeve intelektuale dhe debateve profesionale. Sipas tij, është përgjegjësia e të gjithëve që njerëzve të mos u ofrohen përleshje, por zgjidhje shpresë dhe perspektivë. ?Historitë personale dhe emocionet e pakontrolluara nuk duhet ta justifikojnë arrogancën, fjalorin e rëndomtë apo përleshjet fizike. Të gjithë në atë sallë të nderuar kanë detyrimin të sillen siç duhet dhe të mos e keq përdorin mandatin që u ka dhënë populli?, shprehet Meta. Lidhur me raportin e Departamentin Amerikan të Shtetit ku thuhet se një deputet i Kuvendit është i përfshirë në trafikim, kreu i Kuvendit deklaron se duhet konsoliduar shteti i së drejtës dhe të çohet para drejtësisë çdo shkelës i ligjit dhe drejtësia duhet të bëjë punën e saj pa u ndikuar nga asnjë faktor ndërhyrës. Ai bën me dije se duke filluar nga sesioni tjetër parlamentar, mazhoranca dhe opozita, do punojnë së bashku, për një kuadër ligjor që konsolidon standardet më të larta etike dhe morale për zyrtarët e zgjedhur apo të emëruar në të gjitha nivelet. Në këtë linjë ai shton se, ?Duhet të them që ky debat nuk duhet të shërbejë si një tjetër argument për grindje politike, por si një proces i sinqertë që sjell rezultate të prekshme, që shërben dhe kontribuon në përmirësimin e jetës sonë politike dhe të zyrave publike?. I pyetur për çështjen ?Doshi?, ku ai akuzohej nga deputeti i përjashtuar i PS, si porositës i ekzekutimit të tij dhe demokratit Mhill Fufi, Meta deklaron se ajo histori nuk vlen as për telenovela. ?Unë e refuzoj atë dhe kam dhënë të gjithë përgjigjet dhe informacionin e duhur pranë instancave përkatëse. Tashmë çështja është në duart e drejtësisë dhe le të flasë drejtësia?, shprehet kreu i Kuvendit. Lidhur me rezultatin e zgjedhjeve, Meta thotë se është i kënaqur që LSI kishte nj rezultat madhështor si votë popullore, por nënvizon faktin se zgjedhjet ishin lokale dhe jo politike. Ai shton më tej se strukturat e partisë janë investuar në një debat gjithëpërfshirës mbi çështje të ndjeshme për popullin, të tilla si shërbime më të mira dhe punësim. ?LSI gjithnjë ka provuar se është një forcë konstruktive, dhe ne gjithmonë i respektojmë detyrimet tona. Koalicioni ka punuar mirë dhe kandidatët tanë fituan 45 nga 61 bashki. Nuk është sekret fakti që çdo parti e ka identitetin dhe prioritetet e veta, por unë besoj se çdo partner në koalicionin tonë është një vlerë e shtuar që sjell kontribut për këtë koalicion?, deklaron Meta. Për situatën ekonomike ai thotë se nuk është e përsosur dhe kjo vjen si rezultat i një kompleksiteti faktorësh. ?Ne jemi përballur me vështirësi si pasojë e krizës së gjatë në ekonominë botërore, Eurozonës dhe veçanërisht fqinjëve tanë. Kriza ekonomike që goditi rajonin tonë, veçanërisht dy partnerët tanë kryesorë ekonomik dhe tregtar si Greqia dhe Italia, ka rezultuar në një mungesë të deficitit tregtar?, deklaron Meta. Në këtë linjë ai shton se remitancat janë reduktuar dhe borxhi publik i trashëguar nga qeveria e mëparshme është rritur. Meta deklaron se Qeveria është duke punuar ngushtë me institucionet financiare ndërkombëtare për të stabilizuar situatën, por kjo sipas tij nuk është e lehtë dhe kërkon kohë.