web counter
LEXO PA REKLAMA!

SHKARKO APP

App Store
Google Play

KLSH kallezon ne Prokurori drejtorin dhe dy punonjes te Tatimeve ne Berat

18 Korrik 2015, 14:12, Ekonomi CNA

Kontrolli i Lartë i Shtetit ka kallëzuar në Prokurori drejtorin e drejtorisë së tatimeve në qytetin e Beratit si dhe dy ish-drejtorë të tjerë. KLSH bën me dije se në Drejtoritë Rajonale të Tatimeve Elbasan dhe Berat u konstatuan të ardhura të munguara në Buxhetin e Shtetit për të dy DRT në shumën rreth 147 milionë lekë (mbi 1 milion euro) dhe dëm ekonomik në DRT Berat rreth 59 milionë lekë. Në bazë të Raporteve të Auditimit, Kryetari i KLSH, i ka rekomanduar DRT, Elbasan marrjen e 8 masave organizative, 15 masave disiplinore dhe 6 masave me qëllim kërkimin për shpërblimin e dëmit në shumën prej 142,140,306 lekë, si të ardhura të munguara në Buxhetin e Shtetit. Kryetari i KLSH, me qëllim përmirësimin e punës në të ardhmen, i ka rekomanduar DRT, Berat marrjen e 10 masave organizative, 2 masave disiplinore për largim nga shërbimi civil dhe 11 masave të tjera disiplinore, marrjen e 6 masave për kërkimin për shpërblimin e dëmit në shumën prej 4,805,000 lekë, si të ardhura të munguara dhe në shumën prej 58,796,460 lekë si dëm ekonomik ndaj Buxhetin të Shtetit. Po ashtu, KLSH ka kryer kallëzim penal për shpërdorim detyre për Drejtorin e DRT Berat G. G.dhe ish-Drejtorët e DRT Berat M.D dhe T.M., për konsumimin e elementëve te veprës penale të ?Shpërdorimit të detyrës?, pasi kanë lejuar miratimin në bilancet e subjekteve të shumave të konsiderueshme monetare në lidhje me hua të marra nga subjekte të tjera jashtë procedurave normale ligjore dhe për të cilat nuk është bërë asnjë deklarim nga ana e strukturave përkatëse të DRT të Beratit, si dhe janë favorizuar subjekte tatimpaguese në zhbllokimin e llogarive bankare, për të cilat DRT Berat kishte vendosur më parë bllokimin e tyre. KLSH i ka përcjellë Prokurorisë së Rrethit Gjyqësor Berat të gjitha provat dhe dokumentet përkatëse lidhur me këtë kallëzim penal. –





Lajmet e fundit nga