web counter
LEXO PA REKLAMA!

SHKARKO APP

App Store
Google Play

Strategjia për energjinë, masterplani i gazit gati në tetor 2016

14 Korrik 2015, 17:30, Ekonomi CNA

Studimi i Master Planit të Gazit (GMP) dhe Planit të Identifikimit të Projekteve (PIP), janë planifikuar të përfundojnë në muajin tetor 2016, ndaj për këtë afat kohor po punohet me kompaninë konsulente. Lajmi bëhet me dije nga burime  të Ministrisë së Energjisë dhe Industrisë. Sipas tyre, këto ditë u mbajt takimi i radhës midis përfaqësuesve të ?Western Balcan Investment Frameëork (WBIF) dhe Ministrisë së Energjisë dhe Industrisë mbi nisjen e punës për përgatitjen e studimit të planit të gazit në vendin tonë.

Për këtë projekt ka interes të shfaqur nga kompani të mëdha botërore, një pjesë e të cilëve në takim kishin përfaqësuesit e tyre, sikurse ?TAP?, ?SHELL?, ?Petromanas?, ?SOCAR?, ?Bankers Petroleum?, ?Trans Atlantic Albania?, etj. Hartimi i master-planit të gazit për Shqipërinë nga Konsorciumi COwI-IPF parashihet në përputhje me synimet strategjike të Shqipërisë në sektorin e energjisë dhe vlerësohet si një hap tepër i rëndësishëm drejt krijimit të një plani unik dhe gjithëpërfshirës në sektorin e gazit. Studimi do të jetë baza kryesore për programimin e hapave të mëtejshëm në ngritjen dhe zhvillimin e sektorit të gazit natyror, diversifikimin e burimeve të energjisë, forcimin e sektorit energjetik në tërësi.

Ndërsa plani i Identifikimit të Projekteve pritet të jetë dokument planifikimi me një listë prioritare projektesh për investime në sektorin e gazit.





Lajmet e fundit nga