E fundit!

11:09 Aktualitet

Seanca në GJKKO për dosjen “Sterilizimi”/ SPAK kërkon rrëzimin e 23 kërkesave të ish-ministrit

Ditën e sotme në Gjykatën e Posaçme po zhvillohet seanca e...

Franca vlerëson propozimet e Greqisë, Gjermania hesht

10 Korrik 2015, 20:30, Ekonomi CNA

Një propozim i ri i reformave greke që synon rinisjen e bisedimeve për shpëtimin me kreditorët mori vlerësimin e Francës, ndërsa nga Gjermania reagimi ishte më i përmbajtur.

Presidenti francez François Hollande, i cili ka shtyrë për një marrëveshje të minutës së fundit me Athinën, të premten ka mirëpritur propozimin si ?serioz dhe të besueshëm? dhe tha se ?grekët kanë treguar vendosmërinë për të qëndruar brenda eurozonës?.

Reformat, të aprovuara nga kabineti i majtë i Kryeministrit grek Aleksis Tsipras vonë të enjten, kanë një ngjashmëri të habitshme me një ofertë kompromisi nga kreditorët muajin e kaluar, që votuesit e vendit më pas e hodhën poshtë në një referendum kombëtar të dielën.

Monitoruesit e Greqisë ? Komisioni Evropian, Banka Qendrore Evropiane dhe Fondi Monetar Ndërkombëtar ? do të ketë një dritare të shkurtër për të vlerësuar këto propozime para një takimi të ministrave të financave të eurozonës, të shtunën.

Ministrat, pastaj do të vendosin nëse oferta greke është e mjaftueshme për të nisur negociatat për një plan të tretë, për të cilën zyrtarët kanë thënë se mund të arrijnë më shumë se 70 miliardë euro. Nëse nuk do të arrihet kjo, alternativa do të jetë mbledhja e një samiti të BE-së të dielën për të diskutuar përgatitjet për një dalje të Greqisë nga euro.

Kancelarja gjermane Angela Merkel, e cila ka pasur një një qëndrim më të ashpër sesa Z. Hollande, nuk pranoi të komentojë mbi planin e fundit greke para se ai të vlerësohet nga mbikëqyrësit e shpëtimit.

Të enjten në mbrëmje vonë, qeveria greke ka dorëzuar propozimin për paketën e reformave, që pritej prej shumë kohësh, që do të shkojë paralel me kërkesën e të mërkurës për një paketë të re shpëtimi.
Paketa që u është dërguar kreditorëve përfshin tre dokumente: së pari një letër nga Kryeministri; së dyti një letër më të detajuar nga ministri i financave dhe së treti një plan reformash me 13 faqe, që duhen plotësuar para se të fitohet ndihma shpëtuese.

Financial Times ka zbuluar se cilat janë propozimet, duke i krahasuar ato me kushtet e kreditorëve:
Në sistemin e TVSH-së, Athina zotohet ?ashtu siç kanë kërkuar kreditorët ?të gjejë të ardhura të reja që arrijnë deri në 1% të PBB-së (rreth 1.8 miliardë dollarë) çdo vit. Greqia gjithashtu i është nënshtruar kërkesave të kreditorëve për të lejuar që ushqimi i përpunuar të taksohet në normën standard prej 23%.
Propozimet greke gjithashtu përfshijnë një nga lëshimet e fundit të kreditorëve ?hotelet të kenë një kufi TVSH-je më të ulët prej 13% ? por ai duket të ketë një element që mund të rezultojë problematik: një normë të ulët të veçantë për ishujt (kreditorët kishin kërkuar një të vetme).
Në reformën e pensioneve ka ende disa dallime. Reforma legjislative e pensioneve të vitit 2012 nuk do të zbatohet deri në tetor 2015, sipas planit grek, ndërsa kreditorët donin që ai të kryhej menjëherë.
Por për një element ?zbatimi i masave për të rritur moshën efektive të daljes në pension në 67 vjeç duke filluar nga 2022 dhe anashkalimi i një granti solidariteti për pensionistët më të varfër deri në dhjetor 2019 ? Athina duket se ka lëshuar pe.
I mbetet trios së monitoruesve të Greqisë ?Komisioni Europiane, ECB dhe FMN të vlerësojë propozimet.

MONITOR