web counter
LEXO PA REKLAMA!

SHKARKO APP

App Store
Google Play

E fundit!

x

BSH-ja publikon të rejat shkencore në fushën e sistemit bankar

10 Korrik 2015, 22:02, Ekonomi CNA

Banka e Shqipërisë ka publikuar në faqen zyrtare të saj, setin e materialeve shkencore të përgatitura nga ekspertë të Bankës së Shqipërisë, gjatë periudhës janar-qershor 2015, me fokus kryesor zhvillimet financiare e bankare në vendin tonë dhe rajon.

Disa nga materialet e prezantuara gjatë gjashtëmujorit të parë të vitit 2015, kanë pasur në qëndër të vëmendjes së tyre çështje të ndryshme si: faktorët makroekonomikë të rrezikut të kredisë; qëndrueshmërinë fiskale në Shqipëri; zhvillimet e tregjeve financiare në Evropë; dhe (jo)racionalitetin e pritjeve inflacioniste në Shqipëri.

Meri Papavangjeli, në Departamentin e Kërkimeve, në materialin e publikuar mbi faktorët makroekonomikë të rrezikut të kredisë, shkruna se, ?Kriza e viteve të fundit tregoi se brishtësia e sistemit financiar buron jo vetëm nga faktorë endogjenë, por është gjithashtu pasojë e zhvillimeve që ndodhin në mjedisin makroekonomik dhe financiar?. Qëllimi i këtij studimi është të analizojë lidhjen që ekziston midis faktorëve që karakterizojnë mjedisin makroekonomik, të tillë si: Prodhimi i Brendshëm Bruto,

Indeksi i Çmimit të Banesave, kursi i këmbimit, norma e interesit, totali i kredisë dhënë sektorit privat dhe rreziku i kredisë ndaj të cilit ekspozohet sistemi bankar shqiptar. Ndërsa në materialin ?Pritjet e inflacionit në Shqipëri?, ekspertët citojnë në studimet e tyre, rëndësinë e pritjeve të inflacionit për politikën monetare .Kjo analizë është realizuar mbi seritë e pritjeve inflacioniste nga vrojtime të BSH-së për periudhën 2003T2- 2015T1. Seritë e pritjeve cilësore janë kuantifikuar duke përdorur përqasje të ndryshme probabilitare dhe të balancës,krahas atyre sasiore. Analizat statistikore tregojnë se pritjet e vrojtuara inflacioniste mbartin informacion të dobishëm në lidhje

me drejtimin e presioneve të ardhshme inflacioniste me qëllim shënjestrimin e saj brenda parashikimeve të BSH-së.





Lajmet e fundit nga