web counter
LEXO PA REKLAMA!

SHKARKO APP

App Store
Google Play

E fundit!

x

Rama injoron Erion Veliajn. Nuk i jep dorën në konkursin për hyrjen e Parkut të Liqenit

8 Korrik 2015, 12:20, Politikë CNA

Të gjitha kamerat që po ndiqnin konkursin për hyrjen e re të Parkut të Liqenit u foksuan tek ardhja e kryeministrit Rama dhe personazhet që ai takoi. Erion Veliaj, i ulur në rreshtin e parë, tentoi t’i fliste kryeministrit, i cili, nga ana e tij, i kaloi pranë pa ia hedhur sytë. Siç shihet në videon e mëposhtme të ABC News, kryetari i zgjedhur i Bashkisë së Tiranës ngrihet në këmbë gjithë dëshirë për ta takuar kryeministrin. Kur Rama i kalon pranë pa kthyer as kokën, Veliaj mbetet i shtangur nga injorimi. Pak hapa më tutje kryeministri u takua përzemërsisht me kreun e jurisë dhe u ul në rreshtin e parë, por sërish pa i hedhur sytë nga Veliaj.

Arsyeja përse Rama e shmangu kryetarin e ri të Bashkisë së Tiranës nuk është e qartë. Zëra në kryeministri thonë se Ramës duket se nuk i ka pëlqyer projekti i Atelier Albania për hyrjen e Parkut, që sipas tyre, Veliaj ia kishte prezantuar si diçka ?fantastike?. Ky projekt në pak orë shkaktoi një reagim të fortë të shoqërisë civile. Prej këtij konkursi Veliaj nuk ka dalë më në publik. Këtë fakt ia vuri në dukje edhe deputetja e PD, Jorida Tabaku, gjatë një deklarate që bëri tek hyrja e Parkut të Liqenit Artificial për ta kundërshtuar projektin e qeverisë.





Lajmet e fundit nga