E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Tahiri: Thirrjet per denimin me vdekje, tregojne mosbesimin ndaj Drejtesise

7 Korrik 2015, 13:53, Politikë CNA

Ministri i Brendshëm Saimir Tahiri thotë se thirrja për dënim me vdekje nuk është instinkt hakmarrës, por shenja më e fortë e mosbesimit ndaj drejtësisë e nxitja me e madhe për reformë. Në një postim në profilin e tij në Facebook, ai shkruan se e kupton secilin prej qindra- mijëra qytetarëve që i kanë shkruar këto dite lidhur me arrestimin e të dyshuarit kryesor për vrasjen e dy turistëve në Dukagjin. Ai thotë se gjithkush që ka sugjeruar si rrugëzgjidhje rikthimin e dënimit me vdekje, në themel nuk kërkon hakmarrje, por drejtësi. Sipas Tahirit, mosbesimi se drejtësia nuk do bëjë drejtësi, bën që shumë njerëz të besojnë se vetëm rikthimi i dënimit me vdekje është drejtësia fundore. ?Nuk mund të zgjedhim rrugën më të thjeshtë. Duhet të reformojmë sistemin e drejtësisë, ndërkohë që na duhet të monitorojmë me sa më shumë sy, çdo vendim të çdo gjyqtari në vend e të denoncojmë çdo abuzim. Policia ka filluar të ndjekë ecurinë e çdo çështjeje të filluar prej saj, duke përfshirë edhe procesin gjyqësor. Sepse puna e policisë nuk mbaron kur i vihen prangat autorit të dyshuar, por atëherë kur ai merr vendimin e gjykatës. Kjo është puna monitoruese, që i shërben edhe policisë për të përmirësuar cilësisht detyrën e saj?, thotë Ministri i Brendshëm. Ai bën me dije se ka propozuar zyrtarisht dy nisma, për të cilat shpreson se do t’i nënshtrohen debatit nga ekspertët e institucioneve përkatëse por edhe të reformës në sistemin e drejtësisë. Propozimi i parë sipas Tahirit, sjell bashkimin mekanik (matematikor) të dënimeve, duke sqaruar se aktualisht ka bashkim me përthithje, që do të thotë dënimi më i madh përthith dënimin më të vogël. Në këtë linjë ai thotë se në qoftë se propozimi do miratohet, autori do dënohet me bashkimin matematikor të të dy dënimeve për të dyja (ose më shumë) veprat penale që ka konsumuar. Propozimi i dytë i Ministrit të Brendshëm parashikon Regjimin e Përforcuar të Vuajtjes së Dënimit. Lidhur me këtë propozim, Tahiri thotë se kjo do sjellë veçimin e të dënuarve me rrezikshmëri të lartë kriminale, duke hequr çdo mundësi që të rikthehen në shoqëri si kriminelë më të stërvitur.