E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Bozdo: Rama-Veliaj, po planifikojne betonizimin e hyrjes se Liqenit

6 Korrik 2015, 13:49, Politikë CNA

Nënkryetari i Bashkisë së Tiranës, Enno Bozdo thotë se ende pa u ulur në karrigen e kryebashkiakut, Edi Rama dhe Erion Veliaj kanë marrë vendimin për të betonizuar hyrjen e parkut të liqenit artificial në Tiranë si dhe për të shkatërruar sheshin ?Nënë Tereza?, monument kulture. Në një dalje për mediat ditën e sotme Bozdo tha se pasi bllokoi për dy vjet projektet e Bashkisë së Tiranës, Edi Rama hodhi në fushatë miliona euro me burime të padeklaruara vetëm për të shtënë në dorë Bashkinë e Tiranës dhe sot çdokush e ka të qartë përse, për të vazhduar betonizimin e saj, aty ku e la. Numri dy i bashkisë deklaroi se me një konkurs fals, Edi Rama prezantoi sot projektin e tij të betonizimit pa kthim të hyrjes së parkut të liqenit dhe sheshit ?Nënë Tereza?. ?Të gjithë e mbajnë mend se si në kulmin e fushatës elektorale, Veliaj, premtoi se nuk do të lejonte asnjë ndërtim të ri komercial në Tiranë, se do të zgjeronte kufijtë e parkut të liqenit dhe se do të mbronte dhe promovonte trashëgiminë kulturore të Tiranës. Sot, tre javë më vonë, shefi i tij nxjerr zhveshur para shqiptarëve falsitetin e këtyre premtimeve, duke faktuar se kanë planifikuar diçka tjetër për Tiranën, në drejtim të kundërt me çfarë premtuan në fushatë, betonizimin e parkut dhe degradimin përfundimtar të sheshit ?Nënë Tereza?, nëpërmjet ndërtimeve të reja që ai dhe Rama kanë planifikuar të ngrenë aty. Pra, premtimet rezultuan të gënjeshtërta për Ramën dhe Veliajn?, u shpreh Bozdo. Ai shton më tej se që Rama të mbërrinte deri këtu, iu desh më parë të bllokonte projektin e Bashkisë Tiranë për sheshin ?Nënë Tereza?. Bozdo publikoi fotot se si ky projekt ishte parashikuar të zhvillohej nga ana e Bashkisë dhe se si Rama kërkon ta ndryshojë, duke thënë se pamjet flasin vetë. Nënkryetari i bashkisë shprehet se atje ku ishte parashikuar gjelbërim, Rama parashikon të ndërtojë, atje ku koncepti i projektit të Bashkisë harmonizohej me hapësirën e gjelbër, Rama parashikon beton, atje ku parashikohej park dhe pemë, Rama parashikon sipërfaqe ndërtimi, atje ku është dhe duhet të jetë parku, Rama do të ndërtojë shumëkatësh. ?Ne kundërshtojmë me forcë të madhe këtë çmenduri për betonizimin e parkut dhe për shkatërrimin e sheshit ?Nënë Tereza?. Pseudo-konkursi është një farse klienteliste që shërben vetëm për të kamufluar atë që Rama dhe zgjatimi i tij në Bashki, Veliaj tashmë kanë vendosur, goditjen përfundimtare për parkun dhe sheshin ?Nënë Tereza?, tha Bozdo. Ai u bëri thirrje qytetarëve të Tiranës pa dallim, shoqërisë civile dhe gazetarëve të lirë të bashkohen për të kundërshtuar me të gjithë forcat atë që e quajti pabesi ndaj Tiranës dhe banorëve të saj dhe për të detyruar Ramën të tërhiqet nga betonizimi korruptiv i sheshit ?Nënë Tereza? dhe hyrjes në parkun e liqenit.