web counter
LEXO PA REKLAMA!

SHKARKO APP

App Store
Google Play

E fundit!

x

Koço Danaj: Ja territoret shqiptare në Greqi nga Preveza, Igumenica, Paramithia dhe Arta, nuk ka paqe pa dënuar genocidin mbi çamët

21 Maj 2015, 06:48, Politikë CNA

Ideatori i Platformës së Shqipërisë Natyrale, Koço Danaj, ka bërë dje një bilanc të territoreve shqiptare, të cilat sot janë përvetësuar, herë me masakra dhe herë me metoda të tjera, nga Greqia. Duke iu referuar tensionimit të marrëdhënieve mes Tiranës dhe Athinës, gjatë ditëve të fundit, politologu Koço Danaj, ka deklaruar se Preveza, Igumenica, Margëllëci, Paramithia, Arta etj, etj., janë territore shqiptare.   Koço Danaj është revoltuar nga fjalimi i deputetit të SYRIZA-s, Kosta Barka, se Preveza është tokë greke. ?Deputeti Barka është nga Preveza. Por Preveza është territor shqiptar, siç është territor shqiptar Igumenica, Margëllëci, Paramithia, Arta, etj?, theksoi Danaj. Ndër të tjera, Danaj shprehet se minoriteti grek jeton në territore shqiptare, ndërsa theksoi se në ?92 Parlamenti Shqiptar i pajisi edhe me tokë. ?Edhe minoritarët grekë që jetojnë në Shqipëri, jetojnë në territore 100 për qind shqiptare. Për kujtesë ndaj Barkës dhe SYRIZ-ës, Memush Bej është fshat shqiptar, por aty jetojnë minoritarë grekë, Hoxha është territor shqiptar, por banojnë minoritarë grekë, Aliko, Caush, Ymer Efendi, Dritas, Kalive bej Pasha…,etj, janë territore shqiptare, por banojnë minoritarë grekë. Parlamenti antikomunist i 1992 në Tiranë, i pajisi edhe me tokë, megjithëse ata ishin thjesht argatë të agallarëve dhe bejlerëve të Delvinës, Borshit e Gjirokastrës. Pra, një parlament antikomunist, miraton një ligj internacionalist?, thotë Danaj. Koço Danaj u shpreh se SYRIZA po sillet me shqiptarët si shovinistë. ?SYRIZA është një amalgamë trockistësh, anarkistësh, radikalësh të majtë. Ati i tyre shpirtëror është Leon Trocki dhe Mihail Raptis ish-sekretar i përgjithshëm i Internacionales së katërt trockiste me qendër në Paris. Çuditërisht, këta lloj ?internacionalistësh? përballë kombit shqiptar dhe Shqipërisë vazhdojnë të sillen njësoj si Ralis, Metaksa, Caldaris, Averof etj, etj. Pra shfaqen hapur si nacionalistë, shovinistë. Pasardhësit e Trockit, Raptisit, Castoriadit etj, përballë shqiptarëve shfaqen si idhtarë të Zhozef Artur-Kont de Gobino dhe të Alfred Rozenbergut?, thotë Danaj.

Shqipëria drejt ringjalljes

Ideatori i Platformës së Shqipërisë Natyrale thekson se të gjitha trojet e kombit shqiptar po shkojnë drejt ringjalljes dhe se këtë ringjallje nuk do të mund ta pengojë askush. ?E ?sëmura? që ndodhet në ?reanimacionin? e BE është Greqia dhe jo Shqipëria. Shqipëria dhe kombi shqiptar janë në një ringjallje tërësore që nga Presheva në Prevezë, në Ulqin, Plavë, Mitrovicë, Kumanovë, Tetovë, Shkup etj. Këtë ringjallje kombëtare, nuk e pengon dot askush, asnjë lloj aleance ?ortodokse? me Rusinë e Serbinë. Dhe e dini pse? Sepse vitet kalojnë, por e ?Diela e përgjakshme? e dhjetorit 1944 në Athinë, vazhdon të mbetet në kujtesën e popullit grek?, u shpreh Danaj. Koço Danaj sjell në kujtesën historike gjenocidin e shqiptarëve të Çamërisë, ndërsa tha se kostumet e SYRIZA-s mbajnë ende gjakun e shqiptarëve të masakruar të Çamërisë. ?Vitet kalojnë por, kostumet e politikanëve të SYRIZ-ës kanë kudo njolla gjaku nga masakra dhe gjenocidi ndaj shqiptarëve të Çamërisë në qershor 1944. Nëqoftëse e kini harruar lexoni kujtimet e famëkeqit Napoleon Zerva. Vetëm atë ditë kur ta dënoni këtë gjenocid, kur ta shpallni Çamërinë si Zonë të Lirë midis Shqipërisë dhe Greqisë, vetëm atë ditë do të jepni shenjat e para të ringjalljes dhe fqinjësisë së sinqertë me Shqipërinë?, u shpreh Danaj./Sot.com





Lajmet e fundit nga