web counter
LEXO PA REKLAMA!

SHKARKO APP

App Store
Google Play

E fundit!

x

Halim Kosova pranon debatin me rivalin socialist

19 Maj 2015, 18:30, Politikë CNA

Halim Kosova, kandidati i PD-së për Bashkinë e Tiranës, ka pranuar ballafaqimin në një debat publik me kandidatin e ASHE-së Erjon Veliaj.

Pas disa ftesave publike që Veliaj i ka drejtuar Kosovës dhe refuzimit të këtij të fundit me argumentin që është koha për punë dhe jo për llafe, kandidati Kosova ka thjene po.

Kosova ka pranuar sfidën e rivalit të tij Erjon Veliaj për një debat publik, me projekte konkrete dhe i bëri thirrje Veliajt, se e ka gati në fushën e betejës sepse nga 21 qershori, nuk do të dalë i humbur.

?Mua më hyn në punë që në çdo moment të ditës e të natës, i përballur me shumë halle të mendoj një zgjidhje. Nuk është koha  për llafe boshe e batuta.

Nëse është fjalë për të debatuar për një projekt në të mirë të qytetarëve më ka në fushë të betejës e nuk dal pa fitore?, tha Kosova gjatë një takimi të sotëm elektoral.

Ndërsa ka premtuar se do të realizojë menjëherë sapo të fitojë më 21 qershor, projektin e kryetarit Basha për stacionin multimodal, Halim Kosova theksoi se kurrë në krye të bashkisë nuk do të lejojë që përplasjet politike ti vuajnë qytetarët.

?Nuk e mendoja kurrë që do të bllokohej për kaq kohë. Pa diskutim që në bazë është lufta politike. Dhe ky është shembull sesi politika duke bërë debate të panevojshme krijon probleme në kurriz të qytetarit?, u shpreh Kosova.





Lajmet e fundit nga