E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famëkeq të Ajatollahëve

Në protestat e zhvilluara prej më shumë se tri javësh në T...

Bojaxhi denoncon ndërtimin përballë FHF: Duhet ta ndalim me votë këtë masakër të parkut

19 Maj 2015, 10:32, Politikë CNA

Kandidati I pavarur për Bashkinë e Tiranës, Gjergj Bojaxhi, denoncoi sot një tjetër rast të ndërtimeve që sipas tij janë në perimetrin e parkut. Bojaxhi denoncoi ndërtimin përballë Fakultetit të Filiologjisë dhe Historisë, e cila sipas tij është pjesë e parkut të liqenit. Për këto arsye kandidati I pavarur u kërkon qytetarëve që me 21 qershor të mos votojnë politikanët të cilët e kanë gllabëruar qytetin. Sipas tij, më 21 qershor duhet të votojmë qytetin ku duam të rrisim fëmijët.

Ja çfarë shkruan ai:

Pas denoncimit të djeshëm të ndërtimeve të planifikuara në pjesën e parkut përballë Akademisë së Arteve, sot denoncuam një tjetër zonë të parkut të kthyer në tokë ndërtimore – hyrjen e parkut përballë Fakultetit të Filologjisë. Më poshtë është deklarata jonë për këteë gjë.

?Plani Rregullues i Tiranës i vitit 2012 e ka caktuar të gjithë kurorën e Parkut të Liqenit në zonë ndërtimi. Parku ka qënë preja kryesore të cilës i janë sulur nga të gjitha anët politikanët dhe klientët e tyre. Prandaj, sot Parku i Liqenit është viktima më e madhe e kësaj elite të korruptuar politiko-ekonomike.

Këtu jemi në një pikë tjetër të perimetrit të Parkut që është ndryshuar nga zonë e gjelbërt në zonë ndërtimi. Nuk dihet se kur, nuk dihet si, pasi kjo është bërë në fshehtësi. Bashkia e Tiranës as nuk e ka konsultuar dhe as e ka informuar publikun, por edhe qeveria që nuk lë rast pa reaguar për çdo veprim të Bashkisë ka heshtur për këtë skandal të Planit Rregullues të Bashkisë së Tiranës.

Ajo që është e sigurtë është se ky vend është vend ndërtimi dhe për këtë pjesë plani rregullues nuk vendos kufizim as për intensitetin e ndërtimeve dhe as për lartësinë e tyre. Të jemi të sigurtë që së shpejti këtu do të ketë një ndërtim gjigand.

Ndërtimi që do të ndodhë këtu është e vërteta e Tiranës. Ndeshja politike mes kandidatëve të dy partive është vetëm një teatër që synon për të vënë në gjumë qytetarët e Tiranës. Realiteti është këtu. Gllabërimi i Parkut nga ndërtimet që do e rrethojnë nga të gjitha anët është një nga rreziqet me të mëdha për të ardhmen e qytetit. Prandaj, në këtë fushatë vëmendja jonë duhet të jetë këtu, tek parku i liqenit dhe tek masakrat e tjera urbane të kryera me bashkëpunimin e të dy palëve.

Ne duhet ta ndalim më votë këtë masakër të parkut. Më 21 qershor ne duhet të votojmë kundër padrejtësive dhe grabitjes që i është bërë së ardhmes sonë nga kjo klasë e korruptuar politike dhe klientët e saj. Më 21 qershor ne duhet të votojmë për qytetin ku duam të rrisim fëmijët tanë.?