E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famëkeq të Ajatollahëve

Në protestat e zhvilluara prej më shumë se tri javësh në T...

Ambasada gjermane: Angela Merkel nuk do ta vizitojë Tiranën para zgjedhjeve të 21 Qershorit

19 Maj 2015, 06:52, Politikë CNA

mbasada gjermane në Tiranë ka përgënjeshtruar zërat pranë qeverisë shqiptare se, Kancelarja gjermane, Angela Merkel, do të vizitojë Tiranën në datën 15 Qershor të këtij viti, pra një javë para zgjedhjeve lokale të 21 Qershorit. Gazeta ?SOT?, duke iu referuar pretendimeve dhe zërave pranë qeverisë, paralajmëroi më 13 Maj mundësinë e një vizite të Kancelares gjermane, Angela Merkel, në Tiranë, në artikullin me titull ?Merkel më 15 qershor në Tiranë, gjermanët ?konkurencë? me turqit pas vizitës së Erdogan?. Madje burime pranë qeverisë thanë se kishin nisur edhe parapërgatitjet për këtë vizitë historike, e cila do të ridimensiononte rolin e Shqipërisë në rajon. Ndërkaq, një ditë më pas, ambasada gjermane telefonoi në redaksinë e gazetës ?SOT?, duke mohuar mundësinë e zhvillimit të vizitës së zonjës Merkel në 15 Qershor. Ambasada gjermane nuk e përjashtoi mundësinë që vizita të zhvillohet brenda vitit 2015, por saktësoi se vizita nuk do të zhvillohet para zgjedhjeve të 21 Qershorit. Pavarësisht interesit për të shtuar rolin dhe influencën në Shqipëri, Berlini duket se ka preferuar të mos ndikojë në politikën e brendshme të Tiranës. Vizita në Tiranë para zgjedhjeve të 21 Qershorit, e një prej personaliteteve më me influencë në botë, mund të konsiderohej dhe lexohej si mbështetje dhe avantazh ndaj qeverisë në zgjedhje, në raport me opozitën shqiptare. Edhe nëse vizita nuk do të interpretohej si e tillë, nuk do të mungonin tendencat e shumicës në pushtet për ta shitur si të tillë. Në këto kushte, kancelaria e Gjermanisë duket se ka përjashtuar çdo mundësi për të zbarkuar për herë të parë në Tiranë para zgjedhjeve lokale të 21 Qershorit. Ambasada gjermane ka bërë me dije se ka një parashikim që Merkel të zhvillojë një vizitë në Shqipëri, por nuk është caktuar asnjë datë deri më tani. Po ashtu, ambasada gjermane pohoi se vizita mund të zhvillohet brenda vitit 2015, por asgjë nuk është zyrtarizuar deri më tani. Ndërkaq, Shqipëria sapo u vizitua nga Presidenti i Turqisë, Rexhep Taip Erdogan, vizitë e cila është pasuar me polemika dhe debate si asnjëherë më parë. Po ashtu, më 27 Maj në Tiranë pritet të zbarkojë kryeministri i Serbisë, vizitë kjo që pritet me mjaft interes nga faktori ndërkombëtar.

Rama konfirmoi vizitën

Në 30 gusht të vitit 2014, kryeministri Rama konfirmoi nga Berlini vizitën që Kancelarja gjermane Angela Merkel do të bënte në Shqipëri. ?Jo vetëm konferenca, por dhe darka e punës që pata me Kancelaren përbëjnë një arsye shumë të fortë për të besuar se ka filluar një proces. Konfirmova që Kancelarja Merkel do të vizitojë Shqipërinë dhe madje me shumë kënaqësi?, tha Rama. Kryeministri tha se Gjermania luan rol parësor në integrimin e vendeve të Ballkanit në BE. ?Kush tjetër përveçse Gjermania do ta luante këtë rol? Të gjithë janë të vetëdijshëm se Ballkani i sotëm ka një sërë kontradiktash të trashëguara nga e kaluara e largët dhe e afërt, dhe është e qartë se me instrumentet që disponojnë vendet e Ballkanit, nuk mund të kapërcehet hendeku mes pritshmërisë së madhe të njerëzve nga Europa dhe Europës reale për njerëzit?, u shpreh Rama.