web counter
LEXO PA REKLAMA!

SHKARKO APP

App Store
Google Play

E fundit!

x

Bojaxhi: Të ndalet shkatërrimi i parkut të liqenit, na kanë lënë një qytet të pabanueshëm

18 Maj 2015, 10:18, Politikë CNA

Kandidati i pavarur për bashkinë e Tiranës, Gjergj Bojaxhi, ka dalë në mbrojtje të parkut të liqenit artificial në Tiranë. Bojaxhi tha se duhet të ndalohet menjëherë shkatërrimi i parkut dhe ndërtimi i pallateve në një zonë e cila ka qenë e mbrojtur por që tashmë është zaptuar nga politika. Ai vazhdoi argumentin e tij duke thënë se çdo cep ku ka qenë një park politikanët e kanë shfrytëzuar për të ndërtuar, duke futur në xhem miliarda lekë.

Ja çfarë shkruan ai:

Zona e parkut mes Korpusit të Universitetit dhe territorit të Gardës së Republikës ka qenë gjithmonë pjesë e Parkut të Liqenit, por ajo tashmë është bërë gati për t?u benotizuar me ndërtime. Kemi arritur në këtë pikë si rezultat i një serie vendimesh kryeministrash dhe kryetarësh të bashkisë së Tiranës:

? Në vitin 2004, me vendim të Kryetarit të Bashkisë së Tiranës RAMA dhe të Kryeministrit NANO kjo zonë u hoq nga Parku i Liqenit duke e shtyrë kufirin e parkut në brendësi.

? Në vitin 2006, me vendim të Kryetarit të Bashkisë së Tiranës RAMA dhe të Kryeministrit BERISHA zonës iu ndërrua destinacioni nga park në zonë ndërtimi.

? Në vitin 2013, me vendim të Kryetarit të Bashkisë së Tiranës BASHA dhe të Kryeministrit BERISHA, Plani i ri i Rregullimit të Tiranës e cakton këtë zonë për ndërtime pa asnjë kufizim në intensitet e lartësi. Kjo do të thotë që ajo mund të betonizohet e gjitha me ndërtime të larta.

Shkatërrimi i Tiranës ka qënë një proçes i qëllimshëm dhe sistematik i klasës politike që na ka qeverisur këtë çerek shekulli. Shkatërrimi i hapësirave publike ka ardhur për shkak të korrupsionit të kastës sonë politike, në bashkëpunim me klientët e tyre. Për çdo trotuar të zaptuar, për çdo lulishte të bërë pallat, për çdo terren sportiv të betonizuar një grusht politikanësh e një grusht biznesmenësh të tyre kanë futur miliarda në xhep. Kurse ne qytetarëve na kanë lënë një qytet gati të pabanueshëm.

Pjesa e parkut mbas meje është një nga shembujt më domethënës dhe më të këqij të korrupsionit politik. Por mbi të gjitha është shembull i një fakti të dhimbshëm: ndërsa politikanët e të dy krahëve zihen e shahen gjoja për demokracinë, kur vjen puna për të grabitur vendin, për t?ju shërbyer klientëve të tyre ata janë gjithmonë bashkëpunëtorë të ngushtë.

Tirana është sot një qytet i marrë peng dhe që shfrytëzohet nga një grusht njerëzish. Ne qytetarët e Tiranës duhet ta ndalojmë këtë pengmarrje të qytetit me votën tonë më 21 qershor.





Lajmet e fundit nga