web counter
LEXO PA REKLAMA!

SHKARKO APP

App Store
Google Play

E fundit!

x

Kolonjë/ Rama prezanton kandidatin Arben Malo: PS-LSI po udhëheqin vendin në drejtimin e duhur

17 Maj 2015, 09:19, Politikë CNA

Kryeministri Edi Rama, njëkohësisht Kryetar i Partisë Socialiste, prezantoi kandidatin e ?Aleancës për Shqipërinë Europiane? në Kolonjë, Arben Malo.

Në fjalën e tij, Kryeministri Rama akuzoi kandidatin e djathtë Viktor Duro, si një nga përgjegjësit e shkatërrimit të madh që i është bërë pasurisë së kësaj zone dhe të këtij qarku, që janë pyjet e mrekullueshme të Kolonjës.

?Në këtë bashki nuk ka garë, sepse s?mund të ketë garë midis kandidatit të mbështetur nga ne dhe një ?pyjengrënësi? që ka sjellë këtu SHQUP-i. Unë kam besim se jo vetëm socialistët, të angazhuar në të dy partitë tona, por të gjithë kolonjarët duhet ta refuzojnë këtë lloj propozimi. Edhe demokratët e Kolonjës duhet të votojnë Arben Malon, për të bërë punë për Kolonjën?, tha ai.

Gjatë prezantimit të kandidatit të propozuar nga LSI, Arben Malo, Rama theksoi se duhet të jetë shumë e qartë se Arben Malo nuk është kandidat i LSI-së, por është kandidat i PS-së dhe i LSI-së.

?Sa ç?është propozimi i LSI-së, aq është edhe mbështetja 100 për qind e Partisë Socialiste, sepse PS dhe LSI janë dy parti, por janë një forcë e vetme, janë forca që udhëheq Shqipërinë në drejtimin e duhur dhe që ka barrën e një transformimi të madh, i cili ka filluar në këto 18 muaj?, vijoi Rama.

 

Ai siguroi se vota për Arben Malon është një investim që qytetarët do të bëjnë në 5 minuta, për të siguruar që në katër vitet e ardhshme, transformimi i saponisur të jetë shtrirë në të gjithë bashkinë e Kolonjës.





Lajmet e fundit nga