web counter
LEXO PA REKLAMA!

SHKARKO APP

App Store
Google Play

E fundit!

x

Fushata/Beqaj, akuza Halimit për menaxhimin e maternitetit

18 Maj 2015, 15:46, Politikë CNA

Ministri i Shëndetësisë, Ilir Beqaj akuzoi ish-drejtuesit e Maternitetit ?Mbretëresha Geraldinë? për keq-menaxhim dhe përdorimin e objektit shtetëror dhe aseteve të saj si pronë private.

Beqar nuk përmendi emra por ishte e qartë se ai i referohej drejtimit nga Halim Kosova teksa foli me shifra dhe periudha keqmenaxhimi.

?Për fat të keq, përtej fasadës, rezulton që ky spital, në shumë e shumë vite, është keqmenaxhuar. Ne kemi rreth 500 mijë dollarë pajisje këtu jashtë përdorimit që janë ende në inventar kontabël, sepse deri në vjeshtë të 2013 nuk ekzistonte koncepti i inventarizimit në këtë spital. Për periudhën 2008-2009, kemi gjetur këtu barna të skaduara në vlerën e 100 mijë dollarëve?, tha ministri Beqaj.

Ai shtoi: ?Këtu është një autoambulancë që prej 10 vitesh as nuk punon, as nuk kolaudohet, as nuk paguan taksa, por që deri në vjeshtën e 2013 shpenzonte karburant. Gjithashtu një sërë pajisjesh mjekësore të ardhura dhuratë, nuk janë inventarizuar kurrë, që gjë ka bërë që ata që e kanë drejtuar më parë këtë spital, ta trajtojnë si një pronë të tyre private, madje ta keqtrajtojnë si një pronë të tyre dhe t?i përdorin pajisjet që kanë ardhur dhuratë për spitalin, pra për gratë e Tiranës dhe të gjithë Shqipërisë që trajtohen këtu, sikur ta kishin një pronë të tyren?.

Këto akuza, Beqaj i bëri në përurimin e instalimit të ekografisë 4-dimensionale pranë maternitetit ?Mbretëresha Geraldinë?.





Lajmet e fundit nga