E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Leonard Olli: Rama dhe Tahiri gënjejnë, krimi është rritur gjatë qeverisjes socialiste

20 Maj 2015, 07:58, Politikë CNA

Ish zëdhënësi për shtyp në Ministrinë e Brendshme, Leonard Olli, ka publikuar nëpërmjet rrjeteve sociale disa shifra që lidhen me krimin në vend. Sipas Ollit, ka qenë INSTAT ajo që ka përgënjeshtruar Edi Ramës dhe Saimir Tahirin, për shifrat dhe gjendjen e krimit në vend.

Olli shkruan se veprat penale të evidentuara, personat e dhunuar nga dhuna në familje dhe veprat penale kanë pësuar rritje gjatë qeverisjes së socialistëve.

Ja çfarë shkruan ai:

Sehir Tahirin dhe Edramen i pergenjeshtron edhe vete INSTAT INSTAT – Statistika Juridike VEPRA PENALE TË EVIDENTUARA Në vitin 2014 janë evidentuar 26.910 krime, rreth 35 % më shumë krime krahasuar me vitin 2013. Ashtu si totali i krimeve të evidentuara edhe për shumicën e grupveprave kryesore penale numri i krimeve ka ardhur në rritje për këtë 5 vjeçar. Në ndryshim nga krimet e tjera, Krimet kundër personit kanë ardhur në rënie. Krahasuar me vitin 2010, në vitin 2014 veprat si Krimet e drogës dhe Krimet për pastrimin e produkteve kanë pësuar rritje të ndjeshme, përkatësisht me rreth dyfish më shumë krime të evidentuara për Krimet e drogës dhe rreth 4 herë më shumë krime për Pastrimin e produkteve. Në vitin 2014 numërohen13.618 persona të dënuar, 94 % e të cilëve janë persona të rritur. Në krahasim me vitin 2010, në këtë vit janë 60 % më shumë persona të dënuar. TË DËNUARIT SIPAS VEPRAVE PENALE, 2014 Krahasuar me vitin 2013, numri i të dënuarve në vitin 2014 ka pësuar rritje të ndjeshme me 58,8 % më shumë të dënuar. Ndryshe nga vitet e tjera ku të dënuarit për krime tejkalonin të dënuarit për kundravajtje, në vitin 2014 kemi një shpërndarje pothuajse të barabartë midis të dënuarve për krime dhe kundravajtje penale. Të dhënat për dhunën në familje ndër vite na tregojnë për një rritje të numrit të raportimeve

PERSONAT E DHUNUAR NGA DHUNA NË FAMILJE, Në vitin 2014 kemi 4.121 raportime të dhunës në familje, rreth 36 % më shumë krahasuar me vitin 2010. femrat e dhunuara. Në vitin 2014 femrat zënë 75 % të totalit të personave të dhunuar. Kra- hasuar me vitin 2010, për këtë vit kemi 86 % më shumë femra të dhunuara. Ndërkohë të mi- turit zënë vetëm 5,2 % të totalit të dhunimeve. Në vitin 2014 numëroheshin 5.453 të burgosur, ndërsa në vitin 2010 numëroheshin 4.603, një rritje prej 18,5 % në numrin e të burgosurve. Numri më i lartë i të burgosurve shënohet për veprat Vjedhje, Vrasje dhe për Krimet e drogës.