E fundit!

18:24 Aktualitet

Mbahet protesta e shtatë në Tiranë kundër qeverisë

Këtë të shtunë po mbahet protesta qytetare e radhës në qen...

Jam me Blushin!

1 Maj 2015, 07:17, Opinione CNA

Nga Artan HOXHA

Jam me Blushin e diteve te fundit edhe pse nuk me pelqen ajo qe ben here pas here Blushi. Nuk me intereson fort kush eshte Blushi, c’ka bere Blushi, c’po ben Blushi apo c’do bej Blushi. Kjo eshte pune per te. I heq kapelen si kryeredaktor gazete Blushit edhe pse e kam patur per fare pak kohe. I lexoj artikujt e Blushit edhe pse nuk ndaj te njejtin mendim me te.

Kam shpenzuar para per te blere librat e Blushit(edhe pse i a boton dhe ben marketing shtepia botuese e Henri Cilit), I lexoj me kersheri, me pelqen stili dhe shqipja e tij, edhe pse nuk ndaj te njejten mendje per ato qe shkruan. Pjesa dermuese e atyre qe tha sot Blushi, dhe po thote ditet e fundit, mbase nuk jane 100 per 100 te verteta, por qendrojne dhe jane fare afer te vertetes. Kushdo qe do te ndodhej nen bresherine e te vertetave te Blushit do te shtremberohej, do te rrudhte fytyren, do te sikletosej, do skuqej, do nxihej, do zverdhej, do sterronte, do turfullonte, do shante, do xhindosej, por thelle ne veten e tij do ti jepte te drejte. Po po, do ti jepte te drejte.

Blushi, me pelqen apo jo mua, thjesht po i bie sirenave te alarmit per nje qeveri dhe mazhorance qe ka nisur te matet me hijen e mengjesit. Dhe populli thote se hija e mengjesit edhe pse te jep kenaqesine se te tregon shume te madh, eshte e genjeshter. Kundershtari politik mbase eshte i shpartalluar, por popullit inati po I shtohet cdo dite. Dhe kur te vije ajo dita e inatit te tij nuk eshte cudi te ndodh ajo qe I beri vaki atij kryeministrit qe kish te nisur te fliste me zotin dhe ti dukej vetja si Skenderbeu I dyte I shqiptareve. Blush, pjesa derrmuese e socialisteve mendojne po ashtu si ti edhe pse u vjen inat qe ua plas surratit pikerisht ti. Ben mire qe ua thua, madje ne mes te kuvendit, se kane ende kohe te ndreqin gabimet(edhe pse nuk duket se Kane ate mendje), ndryshe sovrani do tua tregoje vendin, mbase jo kete radhe, jo heren tjeter, jo pas dy pale zgjedhjesh, por ama kur ti mbushet kazani I dufit do ta shpraze si topi I Mato Grudes, dhe mjere mullaret e barit qe do tu ndizet kashta si atyre te 23 qershorit 2013.

Me beri pershtypje qe mes atyre qe jane ndjere keq nga fjalet e Blushit, eshte dhe Erjon Brace. Me ti tereziti si halle Esmaja, nje goxha status, nga ata qe Kocua dikur te Shekulli, I cilesonte si artikuj qe duan buke me vete ti lexosh. Erjon, me mire qe ua thote Blushi, me mire qe ua thote tani sa s’eshte vone. Me mire qe thartoheni tani se ndryshe do perfundoni si paraardhesit tuaj, qe pas 1 milione shuplakave fajesonin popullin si Mosmirenjohes. Erjon, fol me doren ne zjarr vetem per veten tende, qe nuk je si ministrat e Saliut. Sa per te tjeret, fute doren ne xhep. Mos u percello kot, se ne mos sillen si ministra te Saliut, drejt asaj rruge jane nisur. Ne mos po, te them te drejten, nje takem prej tyre, kane qene fiks ministra te Saliut. I thua Blushit, se nuk ka ndodh Gerdeci, 21 janari, korrupsioni alla Sali-bolleku. Po edhe Saliu ne dy vitet e para vetem me reforma dhe rrafshimin e kulles se Haklajve me tritol, u mor. Aty nga fundi i vitit te trete i plasi Gerdeci.

Shaheni, sulmojeni, anatemoheni, mohoeni, ne daci dhe perjashtoheni Blushin, nuk ngre shume kandarin, se keni deputet dhe aleate(sidomos tani qe keni ne kualicion dhe Nard Ndoken) sa te hane qente. Madje dhe qente e Saliut. Por me modesti, me qetesi dhe dashuri(sic thote dhe aleati juaj kryesor ne qeveri) degjoheni cfare thote, verini veshin dhe korrigjoni ato qe mendja ua ha se ai ka te drejte. Nuk ka rendesi nese ua thote Saliu, Blushi apo dikush tjeter, rendesi ka se ajo qe thone nuk eshte fare e pavertete….per dreq Erjon, ato palmat e reja anes autostrades, leshojne nje alamet hije te madhe ne mengjes heret, kur dielli shfaqet nga pas Dajtit. Por, kur dielli nis e ngjitet larte, ne kup te qiellit, ato dreq palmash, jo vetem qe nuk bejne me hije, por duken te thara krejt.