E fundit!

18:24 Aktualitet

Mbahet protesta e shtatë në Tiranë kundër qeverisë

Këtë të shtunë po mbahet protesta qytetare e radhës në qen...

E vërteta e kompensimit të energjisë elektrike: Paratë ku shkuan?

29 Prill 2015, 04:27, Opinione CNA

Jorida TABAKU

Në shpjegimin e saj Ministria e Financave, na lajmëron si më poshtë ?Treguesi ?Kompensim për shtresat në nevojë?, pjesë e treguesve fiskalë në tabelën e buxhetit 2015 ka një specifikë: Pavarësisht se parashikohet si një zë i veçantë (në plan), kur përdoret bëhet pjesë e treguesve të tjerë buxhetore.? Pastaj vazhdon të japë një shembull se si pensionistëve u është shtuar shuma e parave që marrin sepse këto para që janë shtuar janë pikërisht nga ky fond.

Mirëpo, ndonëse ky sqarim është dhënë dukshëm që është i pakuptueshëm edhe është gjysmak. Përse? Nga ana kontabël, kur një llogari preket (pra kryhet një pagesë) atëherë detyrimisht ajo duhet të pasqyrohet në bilanc. Siç duket nga të dhënat e Ministrisë së Financës, llogaria ?Kompensim për shtresat në nevojë? nuk është e prekur por ka mbetur e parealizuar në masën 100%.

Por edhe sikur ta marrim të mirëqenë këtë fakt, pra që këto para po shpërndahen përmes zërave të tjerë; si ka mundësi që zëri i ?Ndihmave Ekonomike? është jo vetëm 12% më pak se sa plani? Por mbi të gjitha kjo vlerë është 43% më pak se sa viti i shkuar dhe në vlerë totale për këtë tremujor janë shpërndarë pak më shumë se sa viti 2009 ndihma ekonomike. Të mendosh se tek kjo skemë futen dhe ato qytetarë që do të marrin kompensimin për rritjen e energjisë elektrike. Çfarë do të thotë kjo?!

Nëse vërtet këto para do të kishin shkuar qoftë edhe përmes llogarive të tjera ato do të duhej të ishin paraqitur nga ana kontabël si një llogari më vete që do të tregonte uljen e tyre. Fshehja duke treguar se këto shpenzime janë kryer përmes zërave të shpenzimeve të ndryshme është vetëm një alibi e pavërtetë.

Nga ana tjetër, ministria e Mirëqenies Sociale pretendon se paratë për shtresat në nevojë që do të jepen nga shteti nuk u kanë shkuar qytetarëve për faj të pushtetit vendor. Duke vazhduar të përhapë të pavërteta të tjera që jo vetëm bien ndesh me atë çfarë propagandon ministria e financave por mbi të gjitha me realitetin e ngjarjeve. Për ta thënë më shkurtimisht, qeveria kësaj radhe duket se nuk është e akorduar në gënjeshtrën që po i shërben qytetarëve.

Nga ky ping-pong brenda qeverisë, qytetarët nuk po përfitojnë asgjë! Ato po paguajnë për të tretin muaj me radhë çmim më të lartë energjie elektrike, po marrin më pak ndihma ekonomike, po emigrojnë më shumë, po humbasin vendin e punës. E vërteta është kjo, ajo që të vret dhe që të kumbon sa herë hedh sytë për rreth.