web counter
LEXO PA REKLAMA!

SHKARKO APP

App Store
Google Play

E fundit!

x

Shkëlqejnë kompanitë, rriten shitjet me 5.6%

19 Prill 2015, 13:32, Ekonomi CNA

Grupet më të mëdhenj botërore të mallrave të konsumit të gjerë, gjatë vitit të fundit fiskal, janë përballur me bilance mjaft të favorshme.
Mesatarisht shitjet janë rritur me rreth 5.6%, duke nxjerrë të ardhura në 3100 miliardë dollarë, ku tre të katërtat e kompanive të analizuara raportojnë shifra në rritje. Janë 250 kompanitë e analizuara nga Deloitte, dhe i përkasin vetëm mallrave të konsumit. Sipas këtij raporti, rritja në terma gjeografikë nuk është aspak homogjene, ku vazhdon ende të kryesojë Azia.
Kompanitë e kontinentit kanë dhënë performancën më të kënaqshme gjatë vitit të fundit, duke u rritur mesatarsiht me 17 pikë, për sa i përket të ardhurave. Edhe Amerika e Jugut, ka regjistruar një performancë të shkëlqyer, duke i fiksuar shifrat e rritjes në normën e 7.3%. Ndërkohë, Europa mbetet në fundin e bishtit të grupit, me një performacë pozitive prej vetëm 1 pike.
Në krye të listës, sipas kompanive, ashtu si viti paraardhës, konfiromohet gjigandi Koreano Jugor i teknologjisë, Samsung, me shitje në vlerën e 211 miliardë dollarëve, që shënon edhe një rritje me 14% në krahasim me një vit më parë. Menjëherë pas Samsung, vjen Apple dhe Nestle, me shitje në vlerat e 171 dhe 99 miliardë dollarësh respektivisht.
Ndërkohë për Sonyn rritja rezulton të jetë dyshifrore, duke u ngjitur kështu në vendin e 5-të. Në listën e dhjetë vendeve të para, duke se për herë të parë figuron edhe gjigandi Brazilian JBS, prodhueesi më i madh global i mishit për konsum, duke regjistruar të ardhura në rreth 43 miliardë dollarë, si dhe një rritje të shitjeve me 22.7% në krahasim me vitin paraardhës.





Lajmet e fundit nga