E fundit!

12:56 Aktualitet

VIDEO/ Rama i kritikon, kryebashkiakët ia plasin të qeshurës

Kryeministri Edi Rama ka kritikuar ditën e sotme gjatë zhv...

Shojble: Greqia e ka vështirë të gjejë kreditorë të tjerë

17 Prill 2015, 08:57, Ekonomi CNA

Greqia do ta ketë të vështirë për të gjetur kreditorë jashtë Bashkimit Europian dhe Fondit Monetar Ndërkombëtar, paralajmëroi Athinën ministri gjerman i Financave, Ëolfgang Schaeuble.
Ai tha se do të mirëpriste investime nga Pekini apo Moska, por kjo do të jetë e vështirë. Paralajmërimi i tij vjen pas druajtjes së shtuar për një falimentim të Greqisë për shkak të borxhit, pasi kostoja e huamarrjes për vendin kërceu nga 3.5 për qind në 27 për qind.
Ministri grek i Financave, Yanis Varoufakis tha se Qeveria e tij refuzon ta marrë në konsideratë largimin nga eurozona: ?Të bësh lojëra me greekexit tha ai, është thellësisht antieuropiane?.
Varufakis premtoi gjithashtu për kompromis, madje për kompromis pa mirëkuptim, vetëm që të kënaqen kreditorët aktualë të Greqisë.
Të dy ministrat i kanë bërë këto komente në Uashington.
Një ditë më parë, agjencia S&P e uli vlerësimin për Greqinë e kjo ka shkaktuar furtunë në tregje.
Ministri Schaeuble komentoi thatë se Greqia kë nevojë për të gjetur kreditorë.
?Europianët kanë thënë Ok, jemi gati të japim para deri në 2020, nëse gjeni dikë tjetër, në Pekin në Moskë apo në Ëashington DC, që do tjua japë para hua, ne jemi në rregull. Por është e vështirë të gjendet dikush që t?ju japë para në një situatë të tillë?, theksoi Shojble.
Ai shtoi se Greqia duhet të fokusohet në rritjen e konkurrencës dhe në surplusin buxhetor.
The Financial Times kishte raportuar më parë se Greqia kishte bërë një qasje informale drejt FMN-së për të vonuar pagesat e borxhit, por është refuzuar.
Shefja e FMN-së Kristin Lagarde tha se bordi i organizmit financiar kishte miratuar vonesa të kësteve të borxhit vetëm për pak vende në zhvillim dhe kjo nuk kishte pasur në të kaluarën rezultate të mira. Sipas saj, ky nuk do të jetë rasti me Greqinë.
Ndërkaq, tregjet financiare mendojnë se qeveria greke nuk do të arrijë të paguajë nëse nuk bie dakord me kushtet e paketës së shpëtimit shumë shpejt në mënyrë që të marrë këstin e radhës së ndihmës financiare.