web counter
LEXO PA REKLAMA!

SHKARKO APP

App Store
Google Play

E fundit!

x

Dollari, humbjet më të mëdha në 4 javë

18 Prill 2015, 14:39, Ekonomi CNA

Dollari amerikan realizoi javën më të dobët në katër javët e fundit, përballë shportës me monedhat kryesore ndërkombëtare, pasi të dhënat treguan një rritje të çmimeve të konsumit, por që dështuan të largojnë shqetësimet që kanë të bëjnë rritjen e normave të interesit nga Rezerva Federale.
Në sesionin e së Premtes, dollari amerikan u rrit me rreth 0.2% përballë monedhave kryesore ndërkombëtare, ndërkohë që çmimet e konsumit u rritën në 1.8% në nivel vjetor, pranë objektivit prej 2% të Rezervës Federale.
Kjo rritje ishte afatshkurtër, pasi tregtarët vlerësuan se ky raport nuk është i mjaftueshëm për të kompensuar disa të dhëna të tjera të dobëta për tremujorin e parë, duke filluar nga shitjet me pakicë e deri tek ndërtimi. Euro preku nivelin më të lartë në 1 javë, përballë dollarit amerikan, në 1.0849. Edhe në raport me jenin japonez, dollari amerikan preku nivelin më të ulët në 3 javët e fundit.
Vetëm gjatë javës që sapo u mbyll, euro fitoi rreth 2% të vlerës përballë monedhës së gjelbërt. Analistët deklaroi se dollari është bërë më shumë i paqendrueshëm. Por që nga Maji i vitit të kaluar, monedha e gjelbërt është rritur me 30% përballë shportës me monedhat ndërkombëtare, ndërsa në Mars të këtij viti preku nivelin më të lartë në 12 vitet e fundit./ Scan





Lajmet e fundit nga