web counter
LEXO PA REKLAMA!

SHKARKO APP

App Store
Google Play

E fundit!

x

BSH arrin fitimin më të ulët në 25 vite, vetëm 951 milionë lekë për buxhetin e shtetit

26 Mars 2015, 09:29, Ekonomi CNA

Viti 2014, i cili do të shënonte skandalin më të madh të grabitjes së Bankës së Shqipërisë, çka do të shoqërohej dhe me largimin e guvernatorit Fullani nga detyra, ka sjellë fitimet më të ulta për këtë institucion, në historinë 25 vjeçare. Për rrjedhojë, edhe fitimet që shkojnë në buxhetin e shtetit kanë qenë ndër më të ulëtat e këtyre dy dekadave e gjysmë. Kjo konfirmohet nga informacionet zyrtare të Bankës së Shqipërisë, sipas të cilave, viti 2014 u mbyll me 1.3 miliardë lekë, ndërkohë që fitimet që do të transferohen në buxhetin e shtetit, do të jenë vetëm 951 milionë lekë. Vitet e fundit, fitimet e transferuara nga Banka e Shqipërisë, ishin afro 5 fishi i vitit 2014.

Dje Këshilli Mbikëqyrës i Bankës së Shqipërisë miratoi Pasqyrat Financiare për vitin 2014, të cilat, së bashku me raportin e audituesit të pavarur KPMG Albania Shpk, janë pjesë e Raportit Vjetor të Bankës së Shqipërisë për vitin 2014. Burime zyrtare nga BSH bënë me dije se në fund të vitit 2014, totali i aktiveve të Bankës së Shqipërisë është 433 miliardë lekë, rreth 37 miliardë lekë më i lartë se në fund të vitit 2013. Peshën më të lartë në totalin e aktiveve e zënë investimet në letra me vlerë të huaja, pjesë e portofolit të manaxhimit të rezervës valutore, me 57%. Përsa i përket rezultatit financiar, Banka e Shqipërisë thotë se në vitin 2014 ka realizuar një fitim neto prej 1.3 miliardë lekësh. Sipas BSH, ky fitim është më i lartë se ai i parashikuar, megjithë problematikën me të cilën u përball institucioni në vitin 2014.

?Niveli i sipërpërmendur i fitimit reflekton shkurtimin e shpenzimeve nga ana e Bankës së Shqipërisë, me qëllim absorbimin e humbjes së rezultuar nga diferencat në arkë në muajin korrik 2014. Pavarësisht këtyre shkurtimeve, si rezultat i angazhimit maksimal të strukturave operacionale të Bankës së Shqipërisë, u bë e mundur të garantohej vijimësia e aktivitetit të përditshëm të Bankës së Shqipërisë?, thanë burimet zyrtare pranë BSH. Mbështetur në dispozitat e ligjit ?Për Bankën e Shqipërisë?, brenda katërmujorit të parë të vitit 2015, pritet që të derdhet në buxhetin e shtetit fitimi i mbetur prej rreth 951 milionë lekësh. Objektiv i rëndësishëm i Bankës së Shqipërisë mbetet përgatitja dhe raportimi i pasqyrave financiare të vitit 2015, në përputhje të plotë me standardet ndërkombëtare të kontabilitetit dhe raportimit financiar.





Lajmet e fundit nga