E fundit!

08:28 Kronika

"Mos kalo nga kjo rrugë"/ Si nisi konflikti mes dy vëllezërve në Kavajë që përfundoi në vrasje

Një person është vrarë mbrëmjen e djeshme nga vëllai i tij...

Pas “Geox” dhe “Ferrero Rocher” zgjedh Serbinë, nuk hyn në Shqipëri

19 Mars 2015, 06:53, Ekonomi CNA

Shqipëria po lë të ikin investitorë të mëdhenj, duke humbur garën rajonale për investimet e huaja, pavarësisht pozicionit të saj më të favorshërm gjeografik, burimeve të pasura natyrore e forcës së lirë e të kualifikuar punëtore?

Një njoftim paraprak përqendrimi mes Ferrero Rosher, e njohur për çokollatat me lajthi dhe Grupit Stelliferi (që siguron e tregton lajthi) i publikuar nga Autoriteti i Konkurrencës në shtator të vitit 2012, paralajmëronte hyrjen në tregun shqiptar të Ferrero Rosher, kompanisë italiane lider në prodhimin e ëmbëlsirave.
Grupi Stelliferi ushtron veprimtarinë e saj në sigurimin e lajthive dhe tregtimin e lajthive (përfshirë lajthitë në gjendje natyrore dhe të produkteve gjysmë të përpunuara, si psh. miell dhe brum lajthie). Dhe Ferrero Rocher ishte e interesuar për prodhimin e lëndës së parë në Shqipëri, sidomos në terrenet e veriut, që që njihen për cilësinë e mirë të lajthisë .
Por, burime të afërta me çështjen pohuan për Monitor se kompania e njohur hoqi dorë nga plani për të hyrë në Shqipëri, për shkak se nuk arriti të sigurojë terrenet e nevojshme për prodhimin e lajthive. Më pas, Ferrero Rosher u ?josh? nga Serbia, e cila po tregohet shumë aktive vitet e fundit përmes ofrimit të incentivave si në drejtim të terreneve ashtu dhe subvencioneve për të punësuar.
Ky është rasti i dytë që Shqipëria humb garën me Serbinë, pas kompanisë Geox, që po në vitin 2014 zgjodhi Serbinë, pas incentivave të shumta, që iu ofruan. Në këmbim të punësimit të 1250 punonjësve, qeveria e Serbisë e ka subvencionuar Geox me 11,2 milionë euro (9 mijë euro për një vend pune, sipas mediave të huaja), duke mbuluar gati gjysmën e vlerës së investimit prej 23 milionë eurosh. Toka u ofrua nga Komuna e Vranjës falas, ndërsa kompania u përjashtua nga tatimfitimi në tre vitet e para.

Pse Ferrero zgjedh Serbinë
Në vitin fillim të vitit 2014 Ferrero Group ?një lider global në prodhimin e ëmbëlsirave nënshkroi një memorandum bashkëpunimi në Beograd, ku në emër të qeverisë së Beogradit firmosi ministri i bujqësisë Prof. Dr. Dragan Glamocic dhe për Ferrero Group nënshkroi drejtori i blerjes së lëndëve të para Arduino Borgogno.
Ky memorandum mirëkuptimi do të bëjë të mundur që Serbia të bëhet një nyje europiane për prodhimin e lajthive gjatë 10 viteve të ardhshme, tha ministri Glamocic, duke shtuar se Serbia po përpiqet shumë për të tërhequr investime si ato të Ferrero.
Ai theksoi se investimi i Ferrero ishte i rëndësishëm për Serbinë për shkak se do ta zgjeronte sipërfaqen e mbjellë me lajthi nga 1,000 në mbi 10,000 hektarë deri në 2020 dhe do t?u mundësonte prodhuesve individual bujqësorë të lajthive të vendosnin bashkëpunim me Ferrero, duke i tregtuar në këtë mënyrë prodhimet e tyre dhe duket pasur fitime më të lehta.
Ferrero është një prodhues ndërkombëtar i ëmbëlsirave me një eksperiencë të madhe në zhvillimin dhe menaxhimin e projekteve bujqësore, veçanërisht në fushën e rritjes së lajthive.