web counter
LEXO PA REKLAMA!

SHKARKO APP

App Store
Google Play

E fundit!

x

Shkeljet në tenderat me negocim, APP penalizon mbi 100 zyrtarë

17 Mars 2015, 07:15, Ekonomi CNA

Agjencia e Prokurimeve Publike ka verifikuar gjatë vitit të kaluar 82 procedura prokurimi të zhvilluara nga 52 autoritete kontraktore. Si kriter për përzgjedhjen e procedurave të prokurimit, kryesisht është marrë në konsideratë lloji i procedurës së prokurimit, konkretisht ?Procedura e Prokurimit Negociim pa Shpallje Paraprake të Njoftimit të Kontratës?, si një procedurë e veçantë prokurimi, që përdoret në rrethana të caktuara, të parashikuara në dispozitat ligjore të prokurimit publik. Duke qenë se, procedura e prokurimit me negocim pa shpallje paraprake të njoftimit të kontratës është një procedurë që nuk kërkon publikim, pra nuk lejon pjesëmarrje të gjerë të operatorëve ekonomikë, përdorimi i saj nga autoritetet kontraktore mund të bëhet abuziv dhe të çojë në shmangien e konkurrencës ose në diskriminim të operatorëve ekonomikë.

Gjetja kryesore e APP është që në shumicën e rasteve autoritetet kontraktore nuk justifikojnë rrethanat e paparashikuara që i çojnë ato në pamundësi për të planifikuar në kohë nevojat e tyre, me qëllim përmbushjen e këtyre të fundit nëpërmjet procedurave konkuruese, sipas parashikimeve ligjore për përzgjedhjen e kësaj lloj procedure.

Në përfundim të procesit të monitorimit, në rastin e konstatimit të shkeljeve të legjislacionit të prokurimit publik në fuqi, APP në varësi të kohës së kryerjes së procedurës së prokurimit, llojit të shkeljes, fondit limit në dispozicion të procedurës së prokurimit, si dhe pasojës së ardhur, ka marrë vendim për dënim me gjobë, ose propozim për marrjen e masës disiplinore, ndaj personave përgjegjës. Afro 110 zyrtarë të gjetur fajtorë për këtë lloj shkelje janë dënuar individualisht, kryesisht me gjobë që varion nga 500,000 në 1,000,000 lekë, si një nga masat administrative të parashikuara nga Ligji i Prokurimit Publik për këtë rast shkruan e përditshmja ?Sot?.





18:45 Ekonomi

Investimet e mëdha

Ky vit shënon kthesën e madhe në investimet e huaja private ...

Lajmet e fundit nga