web counter
LEXO PA REKLAMA!

SHKARKO APP

App Store
Google Play

Buxheti i shtetit pritet të arkëtojë 23.5 mln euro

14 Mars 2015, 17:38, Ekonomi CNA

Buxheti i shtetit pritet të arkëtojë rreth 23.5 milionë euro nga dhënia e të drejtave të reja të përdorimit të frekuencave të telefonisë së lëvizshme. Autoriteti i Kokunimikeve Elektronike dhe Postare hapi javën e kaluar ofertat për gjashtë të drejta të reja përdorimi në brezin 1800 Mhz (megaherc). Sipas rregullores së tenderit, oferta minimale për kualifikimin e ofertave ishte 3.1 milionë euro. Gara ishte konceptuar në formën e katër raundeve të ofertave, për të krijuar hapësira që secili operator të pëfitonte frekuenca të reja. Çdo operator mund të përfitonte vetëm një frekuencë për çdo raund ofertash, por jo më shumë se katër frekuenca në total.
Mbështetur në vlerën e ofertave, pritet që ?AMC?, ?Vodafone Albania? dhe ?Albtelecom? të përfitojnë nga dy të drejta përdorimi, duke zgjeruar rrjedhimisht spektrin e frekuencave në dispozicion të tyre. Këto të drejta priten të jepen mbështetur në parimin e neutralitetit teknologjik, çka do të thotë që operatorët mund të ofrojnë shërbime në çdo sistem që dëshirojnë. Kjo pritet të sjellë edhe aplikimin për herë të parë të teknologjisë 4G në telefoninë celulare në Shqipëri. Në raundin e parë të ofertave, ?AMC? ofroi rreth 4.52 milionë euro, ?Vodafone Albania? 3.4 milionë euro dhe ?Albtelecom? 3.2 milionë euro.
Edhe në raundin e dytë ?AMC? kishte paraqitur një ofertë rreth 4.52 milionë euro, e ndjekur nga ?Albtelecom? me 4.5 milionë euro dhe ?Vodafone Albani?a sërish 3.4 milionë euro. Duke qënë se ofertat ishin të gjitha sipër vlerës minimale të kërkuar për kualifikim, ato priten të shpallen të gjitha fituese gjatë procesit të vlerësimit që besohet se do të mbyllet në muajin Prill. Operatori i katërt i telefonisë celulare, ?Plus Communication?, nuk mori pjesë në garë dhe madje kishte paraqitur një kërkesë për anullimin e saj, kërkesë që u refuzua nga Këshilli Drejtues i AKEP.
RTV SCAN





18:08 Ekonomi

Zhvlerësimi i euros

Monedha euro ra sot në nivelin më të ulët në 12 vjet kundrej...

Lajmet e fundit nga