web counter
LEXO PA REKLAMA!

SHKARKO APP

App Store
Google Play

E fundit!

x

INSTAT: Fruta-perimet kushtuan më shumë gjatë shkurtit

10 Mars 2015, 21:00, Ekonomi CNA

Shqiptarët kanë shpenzuar më shumë para gjatë muajit shkurt për blerjen e mallrave kryesorë të shportës.
INSTAT ka publikuar raportin ku konstatohet se ka pasur një rritje të konsiderueshme të produkteve kryesore për një tavolinë ku bie në sy rritja e çmimit të zarzavateve me 17,1 %, pasuar nga nëngrupi ?fruta? me 11,4% krahasuar me të njëjtën periudhë të një viti më parë.
Ndërkohë që në krahasim me një muaj më parë nëngrupi zarzavate është rritur me 26.7%. Ndikim në rritjen e çmimeve kanë dhënë dhe karburantet. Krahasuar me muajin Janar 2014 çmimi i eurodiezelit u rrit me 3,4 dhe çmimi i benzinës u rrit me 1,9 %.
Rritja e çmimeve ka bërë që edhe inflacioni të rritet për të katërtin muaj me radhë duke iu larguar kështu rrezikut të deflacionit.Sipas të dhënave inflacioni u rrit nga 1.3 % që ishte në janar në 2.3 % duke arritur kështu vlerën më të lartë gjatë muajve të fundit .Por vlen të theksohet fakti se niveli I konsumit nuk ka ndryshuar dhe rritja e inflacionit në nivelin 2.3% ka ardhur e ndikuar vetëm prej çmimeve.
INSTAT vlerëson se rritja vjetore në muajin Shkurt 2015 është ndikuar kryesisht nga grupi ?Ushqime dhe pije joalkoolike?. Krahasuar me muajin Shkurt 2014, rritja më e madhe e çmimeve vërehet në grupin ?Shërbimi arsimor? me 10,2 %, pasuar nga grupi ?Pije alkoolike dhe duhan? me 6,3 %, grupi ?Komunikimi? me 3,7 %.Sipas ekspertëve përmbytjet në jug të vendit do të bëjnë që perimet dhe frutat të vijojnë të mbetetn të shtrenjta edhe në muajt në vijim.
Zakonisht në Shqipëri në periudhën e dimrit çmimet e fruta -perimeve janë të larta pasi nevojat për konsum mbulohen kryesisht nga importi duke I rënduar më shumë xhepave të qytetarëve.





Lajmet e fundit nga