web counter
LEXO PA REKLAMA!

SHKARKO APP

App Store
Google Play

E fundit!

x

Erdhen si "perëndi" dhe u larguan si te dështuar, “Crow Agents” nuk sjell rezultatet e pritura

7 Mars 2015, 18:09, Ekonomi CNA

 

Ish-Drejtoresha e Doganave, Elisa Spiropali, dha dorëheqjen një ditë më parë nga ky post, me pretendimin se dëshironte ti përkushtohej fëmijë që ka ardhur në jetë vetëm disa ditë më parë. Largimi i Spiropalit nga Doganat është shoqëruar edhe me lajmin e dështimit të kompanisë ?Crow Agents?, me të cilën Drejtoria e Doganave dhe vetë Spiropali kishin lidhur një kontratë aq shumë të përfolur dhe aq shumë të lavdëruar nga qeveria. Kompania Britanike erdhi në Shqipëri, si një nga kompanitë më të suksesshme në këtë fushë, me premtimin e rritjeve të të ardhurave në sektorin doganor por mesa duket nuk plani i tyre nuk funksionojë. Megjithatë, ka shumë dyshime për sa i përket aventurës së ?Crow Agents? në Shqipëri, duke marrë si fakte problemet që ka shkaktuar nënshkrimi i kontratë, dyshime nëse kompania dështoi natyralisht apo dikush e shtyu të dështonte për arsye se kjo kompani u bë pengesë e lëvizjes së lirë në dogana.

Kontrata (10.02.2014)-  Që prej lajmërimit se ?Crow Agents? do të vinte në Shqipëri për të monitoruar dhe këshilluar doganat dyshimet ishin të shumta, veçanërisht në çështjen e kontratës, e cila parashikonte një bashkëpunim dyvjeçar mes dy palëve. Kontrata i përmbahej disa kushteve kryesore, ku si fillim qeveria shqiptare duhet ti paguante kompanisë një shumë prej 8.5 milionë euro, në dy vjet, me opsion rinovimi për një vit, madje duke e përjashtuar këtë pagesë ndaj kompanisë britanike nga çdo detyrim tatimor. Më konkretisht, pagesa u krye neto.  

Një pikë tjetër e kontratës dhe që hyn në fuqi në rast dështimi të kompanisë është ajo e uljes prej 25 % të detyrimit. Meqenëse kompania dështoi në realizimin e objektivave të saj, kjo pikë e kontratës i lehtëson pagesën qeverisë nga 8.5 milionë euro në 6.37 milionë euro. Përsëri një shumë e konsiderueshme për një monitorim të dështuar.

Po cilat paskan qenë këto objektiva të përcaktuara në kontratë, të cilat ?Crow agents? nuk paska mundur ti realizojë?

1-Rritjen e nivelit të të ardhurave

2-Rritje të niveleve të integrimit në administratën doganore

3-Ngritjen e kapaciteteve dhe efektivitetit në administratën e doganave sipas kërkesave të Bashkimit Evropian

Objektiva që duke parë historikun e kompanisë dukeshin të realizueshme. Po me këto objektiva, ?Crow Agents? operoi në Bullgari gjatë viteve 2001-2010, duke e shëndrruar doganën e Bullgarisë në një shembull për vendet e  Evropës Lindore. Ajo i solli bullgarisë rritje radikale të të ardhurave, gjë të cilën nuk arriti dot në vendin tonë.

Historiku i ?Crow Agents?

?Crow Agent?, u themelua në vitin 1833 si korporatë Britanike statutore dhe u privatizua  në vitin 1997. Njësitë e kopanisë janë të shpërndara në 12 shtete përfshirë këtu degën  ?Crown Agents USA Inc.?, ?Crown Agents Japan KK? si dhe dy kompanitë  të shërbimeve që janë: ?Crown Agents Bank Ltd? (Banka e Crown Agents), me autorizim nga Autoriteti Rregullator ?Prudential Regulation Authority?, bazuar në rregulloren e ?Financial Conduct Authority? si dhe ?Prudential Regulation Authority? të Mbretërisë së Bashkuar.

Sllogani

?Duke punuar ngushtë me qeveritë dhe njerëzit në mbarë botën, ne ndihmojmë shtetet të rrisin performancën?  

Kuptimi parësor që kompania ?Crow Agents? kërkon të transmetojë përmes slloganit të saj dhe që sipas të dhënave ia ka arritur në vendet kë ka operuar (përveç vendit tonë), është ajo e bashkëpunimit me qeverinë me qëllimin që të ndihmojë shtetin të rrisë performancë.

Megjithatë, askush nga qeveria apo nga Drejtoria e Doganave nuk ka bërë transparente detajet nëse ?Crow Agents? dështoi nga paaftësia e saj, nga problemet e shumta që kishin doganat në Shqipëri, apo u largua për ti lënë rrugë të lirë abuzivizmit dhe lehtësirave për klientët e qeverisë.

Historia e ?Crow Agents? në Shqipëri ?ndërroi jetë? me lindjen e vajzës  ish-Drejtoreshës së Doganave.





Lajmet e fundit nga