Ligji për lojërat e fatit/ Cani: Objektiv, lufta kundër informalitetit

18 Mars 2015, 11:50, Ekonomi CNA

Komisioni për Veprimtarinë Prodhuese diskutoi sot projektligjin ?Për lojërat e fatit në Republikën e Shqipërisë?. Ministri i Financave Shkëlqim Cani, i pranishëm në mbledhjen e komisionit për të diskutuar në lidhje me këtë projektligj, tha se ?ligji ka si objektiv luftën kundër informalitetit dhe evazionit, luftën kundër efekteve sociale si dhe përmirësimin e kuadrit rregullativ. Duke treguar ndryshimet që pritet të sjellë ky ligj, ministri Cani u shpreh se kazinotë do të vendosen jashtë qyteteve në pika turistike të caktuara, si dhe do të ketë një regjistër për lojtarët, të cilët do të duan të luajnë në kazino.

Ministri i Financave nënvizoi se do të ketë edhe një skemë të re taksimi ku tarifa për t?u licencuar do të variojë nga 40 mijë lekë në 1 miliardë lekë për kazinotë e mëdha. Duke iu referuar detajeve që përcakton ligji, ministri shpjegoi se do të ketë regjistër për lojtarët. ?Distancë të lojrave nga institucionet e arsimit dhe komuniteteve fetare. Është 10-fishuar distanca nga një pikë basti në tjetrën, pra 200 metra për të gjitha. Kazinotë do të jenë vetëm nëpër pika turistike jashtë qyteteve. Lojërat e fatit online të palicensuara janë të ndaluara. Pranohet refuzimi lojtarëve kur familja kërkon që mos lejohet të futet. Kërkesë kjo që do të shpërndahet në të gjitha pikat dhe ai nuk do të lejohet më?, tha ai.

Gjithashtu do të ketë një skemë të re taksimi. ?Lojërat e fatit përjashtohen nga TVSH, jo më pak se 40 mijë lekë do të paguhet për çdo nipt sekondar. Pra tarifa për t?u licensuar do të variojë nga 40 mijë lekë në 1 miliardë lekë për kazinotë e mëdha?, u shpreh Ministri Cani. Duke u ndalur tek masat e marra nga qeveria në vitin 2013, Cani tha se ato kanë sjellë një ulje të informalitetit dhe evazionit fiskal. Sipas Canit, projektligji synon edhe një sistem monitorimi online në kohë reale, e cila do të nisë të funksionojë në vitin 2016.

?Luftë kundër informalitetit dhe evazionit fiskal, lufta kundër efekteve sociale, përmirësimi i kuadrit rregullativ. Nga masat e marra janë sekuestruar një sasi e konsiderueshme lojërash fati në muajin tetor të vitit 2013. Janë kontrolluar 4 mijë subjekte ku janë marrë 118 masa administrative si dhe janë kallëzuar penalisht 35 raste për ushtrim aktiviteti pa licensë. Po ashtu janë rritur të ardhurat nga 47.8 përqind si rezultat i luftës ndaj informalitetit. Në këtë kuadër synohet kontroll kohe real përmes sistemit të monitorimit online në 2016?, tha në fjalën e tij Ministri i Financave.

Nga ana e tyre edhe deputetët e mazhorancës mbështetën këtë nismë ligjore duke shtuar se në vitin 2016, Shqipëria do të mund të zgjohet pa lojëra fati. Deputetët gjithashtu kërkuan edhe rritjen e distancës ndërmjet pikave të basteve në më shumë se 200 metra, që është aktualisht. Në mbledhjen e sotme munguan deputetët e opozitës.