E fundit!

11:52 Aktualitet

"Mirëqenia gjyqësore"/ Engert Pëllumbi: Ndërgjegjësimi demokratik i një shteti tregohet te mënyra si i trajton gjyqtarët

Gjyqtari i Gjykatës së Posaçme, Engert Pëllumbi ka mbajtur...

Dëshironi gjumë të këndshëm, mos konsumoni këto ushqime

16 Mars 2015, 09:00, Lifestyle CNA

A ju ka ndodhur ndonjëherë që të ndiheni të rraskapitur deri në pikën që mezi prisni për të shkuar në shtrat, por kur shtriheni nuk mund të bini në gjumë? Shkaku mund të jetë ajo që keni ngrënë në mbrëmje.

Pra, në mbrëmje të paktën dy orë para gjumit nuk duhet të hani, kurse racioni i fundit i ditës nuk duhet të jetë me bollëk.

Në konsideratë vijnë; mish i bardhë pule, një pjatë me supë, kos, djathë, qumësht, pite me djathë, tortë molle, etj, por ushqimet e mëposhtme duhet të shmangen gjatë natës.

Çokollata

Çokollata përmban shumë kafeinë, veçanërisht çokollata e errët. Kafeina ju mban të zgjuar, redukton lodhjen dhe përshpejton metabolizmin, prandaj kjo nuk ju nevojitet para gjumit. Nëse nuk mund të përballoni natën pa çokolatë, të paktën shmangni çokollatën e errët.

Ushqimi yndyror

Një fetë picë, një hamburger ose patate të skuqura ndoshta do të ndikojnë që ju të bini më shpejt në gjumë, por nuk do të flini mirë. Studimet kanë gjetur se ushqimi yndyror mund të prishë cilësinë e gjumit duke ndikuar negativisht në fazat e gjumit. Në një studim, shkencëtarët studiuan minjtë dhe arritën në përfundim se ata që hanin ushqime të yndyrshme kishin gjumë të parehatshëm. Rezistoni ushqimit të shpejtë dhe të yndyrshëm për darkë, hani diçka më të lehtë.

Mishi i kuq

Disa ushqime, të tilla si, qumësht, gjalpë kikirikësh dhe djathë, përmbajnë sasi të shëndetshme të proteinave që promovojnë gjumë të mirë. Ato janë më të mira në kombinim me ushqim që përmban nivele të larta të karbohidrateve. Nëse nuk konsumohen në kombinim me karbohidrate, mishi i kuq dhe ushqimet tjera me kalori të lartë mund të ndërhyjnë në cilësinë e gjumit. Trupit i duhet kohë për të tretur proteinat, prandaj nuk do të flini qetë derisa të përfundojë tretja.

Fruta dhe perime

Perimet në përgjithësi janë të mira dhe të shëndetshme, por jo të gjitha perimet janë të mira për gjumë, për shembull, lulelakra dhe brokoli. Këto perime përmbajnë triptofanit, një amino acid që ndihmon në prodhimin e serotoninës, hormonit që promovon gjumin. Por, lulelakra dhe brokoli më vështirë treten, kështu që nuk do t?ju lejojnë të flini qetë. Në mbrëmje nuk duhet të hani lakër, zarzavate, selino, kungull, fasule dhe kërpudha të bardha. Përveç kësaj, as portokall dhe as mjedra nuk duhet të hani në mbrëmje, si dhe as domate. Të gjitha frutat dhe perimet e tjera nuk do të kenë ndonjë ndikim negativ në gjumë.