Pirja e tepërt e ujit është e rrezikshme për shëndetin

15 Mars 2015, 19:00, Lifestyle CNA

Gjashtë deri tetë gota ujë në ditë mund të na ndihmojnë në përmirësimin e përqendrimit, rritjen e nivelit të energjisë, parandalimin e dhimbjeve të kokës dhe detoksifikimin e trupin. Kjo është arsyeja pse shumica prej nesh mban një shishe me ujë në çantë. Megjithatë, disa ekspertë vënë në pikëpyetje përfitimet që uji ka për trupin tonë.

Ata argumentojnë se marrja e më shumë se dy litrave ujë në ditë është më shumë se çfarë ka nevojë trupi. Disa madje pohojnë se obsesioni për ujin mund të shkaktojë probleme serioze shëndetësore! Profesor Mark Whiteley, kirurg vaskular, është një nga ata të cilët janë të shqetësuar për konsumin e tepërt të ujit. Ai pretendon se pas një kohe të gjatë të konsumimit të një sasie të tepërt të ujit, truri ynë do të mësohet me të dhe do të pret të njëjtën gjë për çdo ditë.

Profesor Whiteley, i cili është një ekspert edhe për hiperhidrozë, thotë se konsumimi i tepruar i ujit është i lidhur me problemet e djersitjes. Ai pretendon se sasia e tepërt e ujit para gjumit mund të çrregullojë gjumin. ?Kur flemë truri ynë liron ADH ose hormonin anti-diuretik, për të ngadalësuar funksionin e veshkave dhe të na pengojë që të urinojmë shpesh gjatë natës. Nëse keni pirë dy gota ujë para se të shkoni për të fjetur, ky lëng shtesë do të zvogëlojë ndikimin e hormonit anti-diuretik mbi veshkat, kështu që do t?ju duhet të zgjoheni natën për të shkuar në tualet?. Rekomandimi i tij është që të paktën dy ose mundësisht tri orë para gjumit, të shmangni fluidet, .

– Nga helmimi me ujë mund të pasojë vdekja: Zhakelin Henson, në vitin 2008, gjatë një diete rigoroze piu katër litra ujë për disa orë, vdiq nga helmimi me ujin. Ekspertët shpjegojnë se një gjë e tillë është e mundur, sepse në qoftë se marrim sasinë e tepërt të ujit në një periudhë shumë të shkurtër kohore, veshkat nuk mund ta largojnë shpejt atë sasi të tepërt të ujit.

– Sasia e nevojshme e lëngjeve gjatë ditës: Shumë më shpesh do të dëgjoni rekomandime që nevojiten dy litra ujë në ditë. Uji është i nevojshëm për funksionimin normal të veshkave dhe të mos mbesim të dehidratuar, por nuk është lëngu i vetëm që duhet ta konsumojmë. Hulumtimi i kryer në Suedi tregoi se kemi nevojë për një mesatare prej 2.5 litra ujë, me kusht që 500 ml duhet të rrjedhin nga frutat dhe perimet që ne konsumojnë gjatë ditës.

– Si mund të dini se keni konsumuar ujë të mjaftueshëm: Sasia e ujit që nevojitet varet nga konstrukti i trupit, mjedisi në të cilin jetojmë dhe kushtet klimatike. Sa më trupmadh dhe më aktiv të jeni, keni nevojë për më shumë lëngje. Gjithashtu sa më ngrohtë të jetë jashtë, aq më tepër keni nevojë për më shumë ujë.