web counter
LEXO PA REKLAMA!

SHKARKO APP

App Store
Google Play

Kuriozitete mbi Murin e Madh Kinez

9 Mars 2015, 22:45, Lifestyle CNA

1. Në kundërshti me besimin e përgjithshëm, Muri i Madh Kinez nuk mund të shihet nga hapësira me sy të lirë. Mund të shihet vetëm me dylbi.

2. Në kohën e dinastisë Qin (221-207 p.e.s) për ndërtimin e Murit të Madh, u përdor miell orizi për ti bërë tullat të ngjiten më mirë me njëra tjetrën.

3. Sektoret e Murit të Madh Kinez të cilëve u referohemi më shpesh u ndërtuan nga dinastia Ming. Kjo është pjesa e fundit e ndërtuar, që karakterizohet nga ndërtimi me tulla dhe shumë kulla vrojtimi.

4. Muri i Madh Kinez shquhet gjithashtu si varreza më e gjatë në Tokë. Mbi një milion njerëz vdiqën duke ndërtuar Murin dhe arkeologët kanë gjetur mbetje njerëzore të zëna nën disa pjesë të murit.

5. Edhe pse gjatësia zyrtare e Murit të Madh është 8851.8 Kilometër, gjatësia e të gjithë Murit Kinez të ndërtuar me mijëra vite me rradhë hamendësohet të jetë 21,196,18 Kilometër. Gjatësia e Ekuatorit është 40,075 Kilometër.

6. Muri i Madh Kinez rrezikohet nga erozioni. Sektoret veri-perëndimore të Murit po rrëshqasin aq shpejt, saqë mendohet, që këta sektore të zhduken brënda 20 vitesh.

7. Gjatë Revolucionit Kulturor (1966-1979), shumë tulla u hoqën nga Muri për të ndërtuar shtëpi, ferma apo rezervuarë. Po të mos kishte ndodhur kjo, shumë pjesë të murit do të dukeshin shumë më mirë seç duken sot.

8. Muri i Madh është i gjërë mjaftueshëm në disa pjesë të tij, saqë mund të ngasësh një makinë.

9. Legjenda më e famshme e të gjithave mbi murin Kinez është historia e ?E qara e hidhur e Men Jiangnu? burri i të cilës vdiq duke ndërtuar Murin. E qara e saj ishte aq e hidhur, saqë një sektor i Murit u shëmb, duke zbuluar kështu kockat e të shoqit për ti varrosur më pas.

10. Thuhet, që një dragua ndihmëtar udhëhoqi punëtorët për udhën, që do merrte muri. Punëtorët ndoqën ekzaktësisht gjurmët e dragoit për të ndërtuar murin.





18:00 Lifestyle

Ferrario shpërthen

Stefania Ferrario është ndër të rrallat modele që i priste f...

17:00 Lifestyle

Provokuesja Hanmer

Edhe pse nuk keni dëgjuar për bukuroshen amerikane, Brooke H...

Lajmet e fundit nga